大廚巴巴 (Closed)

琴晚10點，同同事收工約埋一齊去路德圍買宵夜，果到好多粥粉麵飯，好飽既餐廳，但費事咁夜食太飽訓覺唔好，所以諗住買啲小食填肚我地行到一間叫大廚巴既既小店，店面都乾乾淨淨，仲貼左好多小食既相出黎，最重點價錢唔貴我叫左個炸白魚蛋20蚊有11粒，同埋炸紫薯餅15蚊有3塊，好抵食佢地白魚蛋有炸既，有醬汁既，我就揀左炸既，佢外面炸到好香口好脆，但一啲都唔油，白魚蛋勁彈牙，好好味，就算擺左半個鐘都係脆既（搭車返屋企時間），好味炸紫薯餅，外脆內軟，仲好多紫薯蓉，又唔會太甜太溜，真係好好食我會再幫襯，因為又平又好味必食