天竜 (Closed)

又口痕想食日本野, 同事介紹路德圍美食圈入面開咗間新O既日本餐廳, 新張期內堂食免加一仲有9 折, 我哋一行幾人就LUNCH TIME 一齊衝去試下! 好彩訂咗位咋, 入到去係FULL 晒! 食店留咗最入面O既枱俾我哋, 斜對面就係廁所 (下圖門簾果度), 雖然閂咗門, 但都好大陣廁所味呀! 係食到中間可能個鼻聞慣咗先唔覺! 希望呢部份可以改善一下! 三文魚帆立貝丼 - 有3 塊三文魚 (算厚), 2 件帆立貝 (都算厚), 仲有蟹籽。食材新鮮,  而且好多飯! $64 一個餐, 包埋湯同小食, 性價比高! 新張期內仲要免加1 同有9 折, 絕對抵! 午餐選擇都算多, 價錢中等。晚餐都好多選擇。