4號烤吧 (Closed)

本身嚟到呢頭，係想食生炸雞髀🍗，但竟然無開🙄，行咗個圈，揀咗呢間川菜舖😉。4號川味店內環境都幾大，店內裝修有點中國風嘅感覺⛩，餐廳提供川菜之餘亦有串燒食🍡，川菜方面有前菜，小食，各式雞煲🐔，各式烤魚同水煮魚🐟，食完之後可以再另叫配菜打邊爐。💎招牌水煮魚🐟辣度麻度足夠(事先聲明我係辣得的)，不過魚片最好可以大塊啲，配菜方面有豆卜，枝竹，芽菜，薯粉，蘿蔔，配菜方面算係多。好辣的人絕對明白配菜嘅重要性。💎胡椒豬肚雞煲(半隻)🐔胡椒豬肚湯感覺好厚，飲落一啲都唔稀，豬肚好淋好入味，而且加咗啲唐芹同芫荽，連埋個湯飲惹味又暖胃。💎剁椒碲花🐷見到呢款前菜有個🆕️當然要試，其實即係剁椒豬腳，無想像中辣，但豬腳好爽口，由於唔係熱吃嘅關係，食完唔會好飽滯。人均消費💰 ： ＄150至＄180總結✍ ： 環境大，唔會迫。埋單時先知原來有8折，計落都幾抵。