鴻運泰國美食 (Closed)

位置係中環心臟地帶，老蘭大斜路旁邊小路入，原來別有洞天，左右兩排都有好多小店，今日如果唔係朋友帶我，跟本唔會留意。大部份位都係露天，100位到啦，喜歡吹水飲酒食煙，一定喜歡呢道。酸辣海鮮粉絲沙律，自家酸辣汁好惹味，調製得唔會太酸，好開胃，食完醒神哂。食泰菜點可以冇啤酒，冇象啤唯有揀SINGHA，啤酒夠哂冰凍，加分！冬蔭功湯，全晚至愛，辣味十足，上面浮動住一層蝦油，呢種正宗冬蔭功湯，可以話香港少有，我自己飲咗兩大碗。蝦醬炒飯，飯炒得好乾身，蝦醬味道重，個人覺得如果隻蛋變造流心荷包蛋，效果可能更佳。