鴻運泰國美食 (Closed)

不值一試，廚師需要翻泰國進修，泰式鳳爪太多青檸汁，味道怪怪的，蒜蓉大頭蝦完全無味，咖喱太甜，一啲都唔辣，燒鮮魷魚，似係煎完，並唔係燒。不過啲嘢飲OK嘅，正常囉。

長途跋涉帶埋狗仔走到中環理髮，搞掂！想係附近搵間人狗共餐食肆急急來個速食晚餐，誰知只有陳泗記。什麼大排檔那麼巴閉，那麼囂張，態度惡劣，不可一世！得您一間有野食咩，氣匆匆離開。花點時間兜來兜去，已經行到大汗淋漓全身發滾。幸運地遇上蘭桂坊地舖美容店兩位靚女們指點迷津，泰菜酒吧就係山上。返上山轉入橫巷即有位皮膚黝黑外藉後生仔用流利廣東話接待，推介埃及菜？不是泰菜嗎？原來係隔離。起初經理示意要搭檯，但我有隻狗仔喎，怕騷擾到其他食客，最後帶到最入梳化位，感激不盡。雖然食物不怎麼出類拔萃，最出色最好食係串燒。服務周到，各職員都十分友善。坐得舒服，食得開心，只係環境環生需要改善一下。泰式生蝦，魚醬汁太淡，不夠酸不夠辣，幸好蝦爽濕潤又新鮮，合格。豬肉生菜包，強酸而嚐不到半點香辣，味道平平無奇的炒肉鬆，白雪雪無加色。生菜極爽嫩，清涼多水又帶甜。挽回少許分數。沙嗲串燒，即叫即燒，新鮮出爐端上。勁好食串燒豬，豬比雞更好食，彈滑嫩而味濃，肉汁處處，雞就過熟太乾鞋。椰味強強沙嗲醬，甜甜的也不過不失。創意食洗生菜包豬包雞再淋上甜沙嗲醬，好味道噃。椒鹽鮮魷，不鬆化不香口，腍腍的炸粉，油膩味重。雪藏魷偏腍，不爽脆不彈

This was the second time I visited this place. Both times the food was very tasty. Much quieter at Lunchtime, but food quality was the same.

台灣朋友又黎香港做野當然又要諗4周圍邊度有好野食今次揀左蘭桂芳 因為有得飲野食水煙坐低叫返杯strawberry daiquiri 酒味較濃 肥妹比較鐘意淡少嘅反而係朋友仔嘅菠蘿水好有驚喜 好好飲 炭燒豬頸肉燒得火候不錯 配上泰國酸辣汁 非常醒胃但豬頸肉可以再加一點點脂肪 入口會更嫩滑菠蘿炒飯 飯粒炒得乾身 配上清甜菠蘿肉味道比較清淡 但配上其他較濃味食物 可以中和口味泰式燒魷魚配上酸酸甜甜嘅泰式辣汁魷魚爽口彈牙 無腥味 但可以留意火候 略為過左火候馬拉盞炒通菜個菜本身唔錯 不過馬拉盞比較濃味建議配飯享用黃金蝦呢個係我最鐘意嘅餸大蝦炸至脆身 上面沾滿左咸蛋黃 十分惹味而且好多蝦膏 個個都食到停唔到口烤香蕉餅熱辣辣 即刻整完就上菜加熱左嘅香蕉軟綿綿 好食可以參考泰國當地做法 加煉奶砂糖可能會更別有一番風味

琪琪早前因左機票去泰國，但因為炸彈而要改機票去台灣！雖然同一班朋友去邊都冇所謂！但我已經上網搵哂所有泰國道地野食！冇得去泰國食野真係勁唔開心，不過好彩比琪琪搵到一間正宗泰國菜！一去到勁口渴，緊係叫番杯泰國咸零七喜飲下先啦！呢杯咸零七喜唔同平時係香港泰國菜餐廳味道，佢用正宗泰國咸檸檬，勁有泰國風格！首先黎碗冬陰公湯刺激我嘅味覺下先！呢碗冬陰公湯酸辣濃度剛好，而且仲係真材實料，但一定要趁熱飲先好飲，如果凍左就冇咁好飲！輪到頭盤喇，去泰國餐館必食嘅青芒果沙律勁足料，但有少少辣，酸味味，好野味！唔講唔知佢以為係木瓜絲，因為青芒果係冇香港嘅芒果味，唔食芒果嘅朋友都可以一試！三色串燒沙爹燒到肉汁剛好，唔會好乾，仲有肉汁沁出來，配埋個醬汁味道更出色！呢道原隻秘制魷魚凍食係值得一試嘅！因為食咁多味菜最特別，佢有2種醬汁比你，我地呢d香港人緊係要試Wasabi配豉油先啦，勁新鮮！可以食到魷魚嘅海鮮味！到泰國醬，眼睇以為鮮魷魚係一定要配Wasabi 先啱！但原來唔係佢呢知園醬有少少辣，但可以帶出魷魚更加鮮甜嘅味道出來！估佢唔到一條平平無奇嘅魷魚可以做到咁出色！青咖喱海龍皇配油鬆餅呢個青咖喱對於琪琪黎講係有

第一次黎老蘭食晚餐~ 個friend揀左食泰菜, 話試過呢間唔錯~ 2條友嗌左2樣野~ 酸辣醃牛肉同海鮮炒粉絲~ 海鮮炒粉絲~ 呢度D野有種地道既風味~ 賣相同係泰國食差唔多~ 個味道唔錯~ 粉絲亦唔會一pad pad~酸辣醃牛肉~ 牛肉好嫩, 一D都唔鞋~ 酸辣度亦岩岩好~

相約蘭桂坊，不一定喝酒的！朋友介紹這家泰式餐廳，戶口座位比室內多設有水煙提供，環境充滿異國情調雞尾酒、馬天尼、啤酒...可選擇的酒類非常多fruit punch賣相非常吸引裡面有不少果粒，新鮮果味十足牛豬串燒肉味相當重即使沾上了芥末醬，也不會蓋掉肉味冬蔭公辣勁相當高雖不吃得辣，但其滋味令我邊冒汗邊喝光魷魚刺身齋吃味道欠奉沾上䜴油wasabi後，就如吃日本刺身般出奇地夾！而且能突顯魷魚的鮮嫩度一個人可KO整盤!點上最愛的芒果糯米飯芒果選用泰式那種偏酸的品種酸味過後甜味跑出，很滿足的一頓 !

最近經常都要同班同事過海做嘢，所以多咗喺港島搵食，今日我地就去咗蘭桂坊食，我真係第一次嚟，本身以為蘭桂坊只係飲酒吹水嘅地方，點知……原來都有好嘢食~泰式醃生蝦 - 食泰國嘢點可以無生蝦，呢個生蝦真抵食，$110有咁多隻，重要係好爽口彈牙，個生蝦汁又好味，唔會太酸，又夠辣，爽YY平時嗰啲，成$90-100先得嗰8隻海鮮炒粉絲 - 個炒粉絲唔會太濕，好乾身，味道啱啱好，亦都有好多配料，有芹菜、紅蘿蔔、草菇、洋蔥、津白油鬆餅 - 出面好多店都會整到成個油淋淋，真係唔係好想用手掂，呢個完全冇油淋淋感覺，熱食真係好正，不過凍咗就會硬少少，所以……溫馨提示，一定要襯熱食~~蝦醬通菜 - 唔知點解去食泰國嘢一定要叫蝦醬通菜，我好鍾意呢個，唔會太鹹，又香蝦醬味，雖然好多蒜頭，但係唔會過濃，如果加個白飯，我可以用佢啲菜汁嚟撈飯 XDXD原隻炭燒鮮魷 - 永遠呢啲我都覺得個汁好緊要，不過呢個就有少少太酸，但係個鮮魷真係燒得好好味，唔會燒過頭而太韌，我呢啲老人家牙唔好，好難咬，呢個絕對冇呢個問題~串燒沙嗲 - 我地今次叫咗雞肉、牛肉，個沙嗲汁比平時食嗰啲無咁濃味、椰汁味重，最緊要燒得唔dry，呢個係好緊要椰

較早前放工後, 去了蘭桂芳附近的鴻運泰國美食食飯. 自己不飲酒, 所以甚少來蘭佳芳這一帶, 因為俾我印象是飲酒happy hour的地方, 原來這裡也有一些食店.在這裡食飯, 還可以選戶外在, 為了感受氣氛, 我地選擇在係戶外.食泰國菜, 我多數飲椰青.椰青清甜又多水, 而且椰青的肉也可以整出來食, 幾嫩滑.加上泰國菜較濃味, 所以飲椰青可以解一解, 非常之夾.首先點了芭堤雅蝦湯.這個蝦湯材料豐富, 蝦的肉質幾彈牙. 本身不太食得辣的我, 這個湯只是微微辣, 幾惹味, 我又接受到, 入口時, 有蝦的鮮甜味, 仲帶有淡淡的椰香味道.串燒沙爹.來食泰國菜, 串燒也是必點的款式之一. 雞, 牛和豬各點了兩串.串燒是濃味菜式, 又夠惹味, 令人不知不覺食多咗.三款串燒, 我自己特別夠食牛, 因為牛味較濃. 而雞和豬的肉質也幾腍身. 串燒本身的味道已經啱我口味, 所以我沒有再點醬汁. 對於我來講, 這樣更能食出肉本身的味道.泰式燒春雞.份量都幾大碟.雞皮夠香脆, 但入口又不覺得油膩.雞肉幾嫩滑, 入口帶有咸香味. 即使就咁食, 也不覺得過咸, 味道適中.蒜蓉辣椒炒蝦.上枱時已被佢的蒜蓉香味和賣相

我間中都會嘗嘗泰國菜，喜歡它的甜酸及微辣香草咖哩。這次來到中環蘭桂坊附近的鴻運泰國美食開餐，地點方便酒鬼朋友食完飯再去happy hour XD酸辣粉絲沙律 ($90)有魷魚、大蝦、青口等海鮮，新鮮爽口，酸辣汁拌粉絲，辣但又忍不住一口又一口。串燒沙爹 ($100/6支)點了雞、牛、豬各兩串，豬燒得剛剛好不太韌，而且味道也不錯。反而牛可能燒得耐了，有點乾和肉質變得粗糙。原隻秘製鮮魷凍食 ($110)就像食刺身一樣，魷魚新鮮爽口，下面更是冰鎮，冰涼口感，好滿足！紅咖喱雞 ($85) 配 油鬆餅 ($32/片)紅咖喱雞不辣，反而很重椰香味，雞肉亦很嫩滑，不錯呀～之後再油鬆餅沾上紅咖喱汁，整片充滿香濃紅咖喱汁，很惹味不怕油鬆餅太乾、太油而不好吃呢~香芒椰汁糯米飯 ($45)香芒椰汁糯米飯本是我最愛的泰式甜品，但這個就比較失色了，芒果偏酸，不夠甜，而糯米飯煮得夠軟淋，但如果椰汁再香濃一點就更好了。

(六)你的對話框已經被其他對話框掩蓋著，就在我已經差點把你忘記的時候，你突然傳來短訊。我爬起床，掀開窗簾布，從玻璃窗內往外一看，我看到曾經熟悉的笑容。你載我來到位於蘭桂坊的鴻運泰國餐廳，你說這兒有你喜歡的水煙。串燒沙爹 有牛肉和雞肉兩款，串燒外層帶有焦香，肉質仍然保持嫩滑，配上沙爹醬更惹味。椰汁青咖喱雜菜 青咖喱辣度比較溫和，口感夠滑而且充滿椰香，怕辣的朋友可以放心品嚐。油鬆餅 咖喱的最佳拍檔就是油鬆餅，口感酥軟，點上青咖喱同吃就更滋味。原隻炭燒鮮魷 外層帶有焦香的鮮魷，火候控制得不錯，因為口感不韌，內層仍帶有鮮魷的水份，點些醬汁，酸辣的味道刺激著味蕾。鮮菠蘿海鮮炒飯每次到泰國餐廳我都會點的一道菜，以原個菠蘿上的的泰式菠蘿炒飯。材料有雞肉、菠蘿、雞蛋、臘腸粒、腰果、提子乾，非常豐富，菠蘿入口清甜多汁，炒飯乾身香口。如電影情節般，我轉身離開時，你拉著我的手，你那柔軟的嘴唇覆蓋著我還半張著的嘴巴上。溫柔而細膩的吻。我的心像要從胸腔內跳出來。是夜，我們如預期中發展成為情侶，但我心中仍然有很多疑問和不安，你是認真的嗎？感覺美麗而不真實，像夢一般。一段感情剛開始的時候，男生總會因為新鮮感而十分投

來泰國餐廳享用星馬菜式是常識吧？話說是日在石板街閒逛，就因為臨走前的迷路小插曲，來到了位於榮華里轉角的鴻運泰國美食餐廳，泰國菜常在吃，但在泰國餐廳吃星馬菜還是頭一回，於是便決定要了一客椰汁青咖喱雞配上兩片星馬式印度煎餅(Roti Canai)。青咖喱雞肉質嫩滑，完全去骨的雞肉不會切得太大一塊，入口剛好一口一個，口感微帶軟，卻依然富有彈性。青咖喱帶甜，本身比較能吃辣的筆者總覺得欠缺辣度，但以市場上的受落程度來說，這種輕度的辣，比較能迎合大眾的口味。印度煎餅(此處名為油鬆餅)外層帶脆，內層結實有嚼勁，味道與筆者在馬來西亞嚐過的煎餅一樣，可說是是日一大發現，沾些青咖喱，味道更為多化，簡單的印度煎餅口味也變不那麼單薄，一直超愛印度煎餅的筆者深信，下次一定會找機會前來再次回味一番，原因是因為他們除了原味煎餅，還提供多種不同口味的印度煎餅，就讓筆者在下一回再分解吧！

記得早前聽朋友說榮華里的巷子盡頭有間泰國餐廳的通菜炒得特別的火候十足，於是便趁假日，與太太一起前去試試。名為蝦醬通菜的這道菜一上枱已先聲奪人，說的比不是其外相，而是其充滿鑊氣的香味，未入口已經滿足了嗅覺，細嚐之下，果然名不虛傳，鑊氣充斥著每一條通菜，夠爽口，蝦醬的咸香緊緊的被鎖住，每一口都勁有滿足感。串燒沙爹又是另一驚喜，點了三串雞肉三串牛肉，每一串都份量十足，肉質都帶有肉汁，並不像坊間許多串燒，那般的乾爭爭，此間的雞肉串肉質滑實，易嚼嫩彈的口感，特別討好，牛肉串則不嚡不韌，牛味雖然不突出，但勝在夠嫩，輕易就可以咬開。另一道椰子焗咖喱海鮮，紅咖喱辣度適中，椰漿味濃郁，青口嫩口，蝦肉鮮甜彈口，最值得留意的是當中的魷魚，鮮味十足，極為新鮮。

久久都不會出現的中環，今天我來了！為了與幾個好友共聚，叫我去那裡，我就去那裡吧！今次朋友挑選了蘭桂芳附近食泰國菜，雖然我不太熟路，但這處都不算難找吧！來到這個地方，當然要感受一下氣氛，在涼快的秋冬裡坐在露天的感覺，真棒！龍眼冰先來個龍眼冰，不好太甜的我，選擇了少甜及少冰，整杯不會太甜，很清爽，還有很多龍眼肉！木瓜沙律整道菜顏色很豐富，所謂「色香味俱全」，為什麼「色」是行先？因為離遠看到菜式的豐富顏色，已被深深吸引著！ 入口酸酸辣辣，口感爽脆, 特別開胃，加上醬汁不會太多，把各種食材一起入口，是特別滋味！酸辣海鮮湯湯內有不同種類的海鮮及蔬菜，材料充足，湯味濃郁，入口酸辣，很醒胃，令我食慾大增！串燒沙爹我們點了雞肉和牛肉，串燒的外層香脆，雞肉很嫩滑，牛肉咀嚼下有質感，肉的味道已不錯，配上沙爹後，有微微帶辣，令味道更豐富！青咖喱配油鬆餅油鬆餅煎得金黃色，熱騰騰，外層香脆，中間鬆軟無比。把油鬆餅沾上青咖喱，雖然減少了一點香脆，但青咖喱的醬汁拌著油鬆餅，味道濃而不膩，口感豐富！兩者的配搭，絶對是一流！辣椒羔炒蟹大大隻蟹，賣相已很吸引，入口不會太辣，蟹肉很鮮甜，味道適中，不會被辣味蓋過了蟹的鮮味，

蘭桂坊的食肆多的是 ....但一種緣份使我們選擇在這 鴻運泰國美食 用餐 ~Menu ~酸辣海鮮湯 $80這碗湯一如其名, 味道是酸酸辣辣的 (8分酸/2分辣), 海鮮料很豐足, 湯頭滿是鮮味, 很可口 ~蝦醬通菜 $70蝦醬下得夠重手, 油份不多, 也炒得夠鑊氣, 鹹度適中, 好吃 ~串燒沙嗲我們點了, 豬、牛、雞串燒 , 串燒大大串, 是即燒的狀態, 有香噴噴的焦香味, 肉汁味道鮮香, 肉質鮮嫩 ~辣椒羔炒蟹 $335蟹肉厚而大隻, 炒蟹用的辣椒羔, 鹹中帶甜, 香口卻又不油膩, 蟹肉濃香, 鮮嫩入味, 非常惹味 ~在露天的地方吃泰菜就是有風味, 尤其是在仍然有 25度 的冬日 ....本篇完 ~