潮福蒸氣石鍋 (Closed)

因為朋友生咗baby，所以我哋一行4個sisss就入咗大埔探探小baby，行經大埔廣場，難得齊人想揾個舒適又可以坐得耐嘅地方原來唔容易！見到喺間餃子店隔離有間食蒸氣石鍋，大家都係好「鮮」之日，於是就決定試試呢間連鎖蒸氣石鍋餐廳！｜乳鴨｜唔好問點解，係有啲格格不入但因為朋友心血來潮想食，就試試個乳鴨，一人一隻份量剛好，味道都唔錯好入味，皮脆肉嫩，色澤較深不過如果好以唔好咁乾身就更好！｜龍蝦｜開邊龍蝦都幾新鮮，開邊加上蒜蓉但調味，清蒸已經好perfect！龍蝦尚算幾大隻, 肉厚彈牙，中上之作！｜蒸扇｜蒸扇一樣大粒，望落同食落一樣都咁新鮮，帶子鮮甜爽口！配埋托底個粉絲食唔駛再沾任何調味都夠yummy！｜龍躉肉｜除咗飲宴都好少接觸龍躉肉，今次仲要係清蒸，都有點受寵苦驚！肉質係好易滑但如果鍾意有口感嘅朋友就未必會欣賞，因為肉質入口真係好滑，不容咀嚼已經散開於口膣內，且魚味唔算好突出。