大中華素食

Open Now

Now Closed

今日中午係油麻地永安百貨買嘢，買完嘢，出門口就見到呢間大中華素食。係門口睇咗一陣餐牌，午餐幾抵。$ 68包括主菜1款，小食2款，例湯和白飯。主菜：我選咗XO雙荀妙牛柳：炒得幾香，微辣惹味，露荀好爽脆。小食：芝麻手撕雞：口感好似手撕雞，幾得意。醬油秋葵：秋葵老咗啲，但係個醬汁唔錯。例湯：顏色呈深褐色，店員說是冬瓜湯，味道都幾清甜。室内裝修簡單，坐位舒適。食緊飯嘅時候，聽到旁邊有個客人，落單要求走鹽走糖，店員說沒有問題，幾好喎，願意因應客人需求落單。