越南牛肉粉專門店 (Closed)

在街上行來行去，見佢門口企理，價錢OK...點了個生牛肉河(單點$4X)，阿姐問我飲咩，原來佢假設我叫餐($5X)，結果點咗個招牌套餐($63)，跟上湯時菜(或指定小食)。阿姐再問飲咩，我反問佢廿八文以上特飲可唔可以加錢點，阿姐繼續問我飲咩，我再問佢廿八文以上特飲可唔可以加錢點，阿姐仍然係問我飲咩加句"我要知你想飲咩先知可唔可以加錢"，蹉跎一番，最終點個廿八文嘅椰汁冰，阿姐走時話架呢幾杯就可以加錢轉，上面幾杯走無得加錢轉。第一次問阿姐時，佢就咁講，我就明啦生牛肉河 - 芽菜、金不換、青檸分開上，牛肉無乜肥膏，湯底有啲唔知咩黑點(黑椒?鍋撈?)，唔敢飲啲湯，食食下有點口渴，可能有味精。上湯時菜 - 不足十片椰汁冰 - 好甜另外，蝦子餅嘅咖喱牛腩飯($49) - 少少少少少少少少少少辣帶甜味，除有一舊牛腩近筋好韌/硬，其餘牛腩都林。總結：路過，平食，是旦啦。