路邊煱 (Closed)

今日黎到佐敦，好多唔同既嘢食。 最後去咗打邊爐，見呢度又有雞煲一於一箭雙鵰。 首先黎個唔辣嘅雞煲，啲雞全部都好滑，而且個汁都好濃郁，我哋兩個人食半隻雞已經有啲飽。 食晒啲雞就可以加雞湯，系個湯滾緊嘅期間，我有啲口痕叫咗個椒鹽豆腐，個豆腐真係不得了，外脆內滑，滑到冇得講，用幾分鐘就啪咗半碟，真係好正。 呢個時候個湯都滾啦，首先試吓佢呢度嘅本地手切肥牛，牛味濃，夠薄又軟諗。 個蝦都幾新鮮喎，六一陣已經食得，蝦肉十分之爽，而且size亦都不錯。 另外一提呢度服務真係唔錯，我叫左一個讚歧烏冬，侍應非常之細心，係我擺個烏冬落湯之前，就奉上一個筲箕，比我放個面入去，咁樣夾嘅時候就方便好多，真係好貼心啊。