84
1
0
Level4
174
0
跳皮餐廳
2016-06-01 246 views
行過見呢間餐廳個名咁跳皮，個格局又幾靚，一於入去試吓先。Gillardeau 既蠔肉肥美得黎結實有彈性，口感爽脆鮮甜，但係蠔味又唔會太霸道喎，海水味柔和而不濃烈，入口後既味道由鮮入甜，繼而有海水鹹味同埋乳香，喺口腔入面出現細膩又富層次感。Mermaid 入口 creamy, 海水味偏重，亦帶有甜味，肉質肥美，我兩隻都好鐘意，兩隻都各有千秋。Lady of dynasty 楊貴妃，靚仔 bartender 特登出黎紹呢杯酒由咩酒溝成，我見其中有一支係中國酒，咁特別既！？我即刻問可唔可以攞黎聞吓，嘩，好香糯米味啊。呢隻楊貴妃另外仲加左 sauvignon blanc，荔枝酒同埋西柚汁，入口微甜，先係好香既荔枝味，跟住就有西柚味同埋淡淡既酒味，如果再凍啲就好喇。芝士薯條，有啲後悔嗌左呢個，因為真係勁大碟，但係佢黎先，無其他野食之下擺喺度又忍唔住食喎，食吓食吓都飽左六七成。雖然個黑松露醬真係勁正，勁重黑松露味，但係齋點黑松露醬會有啲膩，建議同時嗌埋薯條既最好朋友茄汁，食一條點黑松露醬，下一條就點茄汁，咁個黑松露醬俾茄汁間一間場會好味好多。攞起條薯條嗰陣芝士拉哂絲，勁正，老闆娘亦有細心提醒薯條啱
Read full review
20 views
1 likes
0 comments
 行過見呢間餐廳個名咁跳皮，個格局又幾靚，一於入去試吓先。
9 views
1 likes
0 comments
$65
11 views
1 likes
0 comments
 Gillardeau 既蠔肉肥美得黎結實有彈性，口感爽脆鮮甜，但係蠔味又唔會太霸道喎，海水味柔和而不濃烈，入口後既味道由鮮入甜，繼而有海水鹹味同埋乳香，喺口腔入面出現細膩又富層次感。
$65
14 views
1 likes
0 comments
 Mermaid 入口 creamy, 海水味偏重，亦帶有甜味，肉質肥美，我兩隻都好鐘意，兩隻都各有千秋。
11 views
1 likes
0 comments
 Lady of dynasty 楊貴妃，靚仔 bartender 特登出黎紹呢杯酒由咩酒溝成，我見其中有一支係中國酒，咁特別既！？我即刻問可唔可以攞黎聞吓，嘩，好香糯米味啊。呢隻楊貴妃另外仲加左 sauvignon blanc，荔枝酒同埋西柚汁，入口微甜，先係好香既荔枝味，跟住就有西柚味同埋淡淡既酒味，如果再凍啲就好喇。
$68
11 views
0 likes
0 comments
 芝士薯條，有啲後悔嗌左呢個，因為真係勁大碟，但係佢黎先，無其他野食之下擺喺度又忍唔住食喎，食吓食吓都飽左六七成。雖然個黑松露醬真係勁正，勁重黑松露味，但係齋點黑松露醬會有啲膩，建議同時嗌埋薯條既最好朋友茄汁，食一條點黑松露醬，下一條就點茄汁，咁個黑松露醬俾茄汁間一間場會好味好多。攞起條薯條嗰陣芝士拉哂絲，勁正，老闆娘亦有細心提醒薯條啱啱焗起，碟邊會好熱。
$108
13 views
1 likes
0 comments
 煙三文魚併盤煙三文魚油脂豐富，勁鐘意墊底嗰啲火箭菜，我鐘意用煙三文魚卷住啲菜一齊食，咁樣會啱啱好中和左三文魚既油膩感同鹹味，我覺得係絕配黎架。
$298
10 views
1 likes
0 comments
 法式紅酒燴牛面肉，上枱個樣好靚啊，嗰啲薯蓉同醬汁好似一抹雲彩咁，薯蓉味道偏淡，正好可以用黎餸個牛面肉，老闆娘話牛面肉炆左三個鐘，嘩，真係勁入味喎，又軟淋，露荀新鮮，同個牛面肉好夾，正。
食完野行去西鐵站都係一分鐘，勁方便，啱哂我呢啲鐘意着高踭鞋既少女啦。
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
3 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2016-05-25
    Dining Method
    Dine In