蘭芳園

Open Now

Now Closed

早前從頭頂嘅扶手梯經過望落去，見兩個西裝友踎喺全世界限定三張嘅檔前櫈仔嘆奶茶，真係一道非常獨特嘅香港風景，賞心悅目。以為自己一世都唔會霸到嗰個好位，點知今日同馬來西亞朋友經過雖然內場爆多遊客，但嗰三張櫈仔竟然無人踎，真係唔多相信自己眼睛，心情極度興奮。朋友想入鋪坐，我堅持要踎街邊，否則同你上星期去尖咀店一樣。佢開始極錯愕，又有啲懢尬，但都俾我威迫咗。我定踎定後，慢慢融入店中成為其他觀光客嘅風景一部份。坐喺鬧市中，旁邊有車經過，在weekday人人在工作的日子悠閒地享受一杯奶茶，這就是生活!!!熱奶茶朋友就這裡比尖沙咀店好，茶味無咁澀，但我自己就有相反睇法，我自己偏好上次尖咀店那杯，可能上次無落糖，茶香奶香比較突出，兩者同樣香滑。凍奶茶同樣非常討好，香濃細滑，愛不釋手。姐姐好好禮貌，賓至如歸。