北海道爐端燒 (Closed)

香港系一個美食天堂，日本餐廳都真係唔少，但係要搵到一間有日本風味嘅餐廳就真係唔多，今日黎到北海道爐端燒，就真係可以一嘗日本嘅風味啦。無論設計同裝潢，到十足十日本嘅風格，服務員親切有禮，我差啲以為自己去咗日本添。明太子蛋捲香濃軟滑嘅蛋卷，入面包住邪惡無比嘅明太子，入口滑溜，香氣洋溢，明太子嘅香氣深透着每一個細胞真係食極都唔夠。煎餃子餃子皮軟身得來又帶點燒焦嘅香味，入邊嘅豬肉餡鮮甜無比，而且size唔算好大，啱啱好一啖一隻，而且裏面仲充滿餃子鮮甜嘅汁，真係多多都食得晒。雜錦魚生魚生好厚身，而且好新鮮，放上冰上面，更顯氣派。肥美嘅三文魚，入口鮮甜，充滿魚油味油甘魚嘅魚脂好豐富，鮮甜無比。吞拿魚入口滑溜，鮮味十足。榮螺爽口彈牙。凡立貝鮮甜軟身，好滑溜，三文魚子，入口清脆，喺口入邊散發住一陣陣魚油嘅香味。燒蟹蓋配三文魚子海膽濃烈嘅蟹膏香味，配上鮮甜嘅海膽，海膽鮮味得來又creamy ，三文魚子喺口中山發着清新嘅魚油香氣，蟹肉鮮甜而且份量好多，入口盡是驚喜