La Cafeteria (Closed)

餐廳由外到內嘅設計好特別，令人感覺似身在外地一樣，係無得旅行下，呢間餐廳值得一試，個日十點同朋友到間餐廳門外排隊， 好好彩可以頭圍用膳，遲一陣都要二圍用膳，職員係點餐時，會好好咁推介有咩係食物最受歡迎雖然，佢有推介芝士四重奏pizza，但我反而想試下呢個黑松露雜菌pizza ，佢個派底黑色脆脆地，而上面嘅芝士同d菇味道啱啱好。而個炸雞好脆，但味道可能淡少少，但都好好食。最後講下個煙三文魚牛油果包同薯條，個包個味道啱啱好，中間嘅牛油果啱啱中和左煙三文魚嘅咸味，但薯條就腍左少少，令到有少少扣分，但整體可以再食一次。