齋啡 (Closed)

平日放假揀左呢間bookmark左好耐的齋啡，Cafe都算近地鐵站，佐敦站行過去大約10分鐘，係正馬路旁，左右兩旁無咩其他商店，多左一份寧靜的感覺。餐廳係自助形式，落完單自己去隔離舖搵位坐，坐位間採用日本風木系，周圍放有朝花同芒草，令人望落好舒服。門口同個小千秋都好啱打卡📸🔸純素三文魚、呑拿魚牛油果沙律碗🥗好似近排好興既Poke Bowl不過佢既三文魚、呑拿魚粒粒係用蒟蒻整既，色彩繽紛，加左醋汁，好睇又好食😋🔸三色墨西哥夾餅🌮一拎到都幾驚喜，無諗過咁大份，有三款夾餅，牛油果呑拿魚沙律、大啡菇、Impossible meat肉丸，除左呢啲配料之外，仲有沙律醬同生菜/波菜墊底，口感好豐富。🔸檸檬蛋糕🍋紅絲絨蛋糕 🍰呢間既純素蛋糕好好食，我好鍾意😛甚至乎覺得正過主食😚蛋糕質地比較實啲，唔會好甜，檸檬味嗰個好好食😋🔸Iced Latte、Banana Mango🥭🍌飲品方面都好多選擇，我當然要點一杯每日必飲既咖啡，奶底餐廳用左Oatly燕麥奶，口感順滑。朋友唔飲咖啡就揀咗杯Smoothie，口感細滑，夏天飲一定仲正🤪香蕉味重啲，唔係好飲到芒果味🙈🥤