Cafe Alley

Open Now

Now Closed

最近無太多既地方可以去,多人既地方就即刻有人群恐懼症,係西貢行行下就去到呢間非常隱世既小店!第一個吸引我地既原因係條街無咩人, 又唔會有車經過,終於可以除低口罩食番個tea!!以為難得搵到人少既cafe已經好開心, 點知叫左杯熱mocha更加驚喜!拉花靚靚之外, 奶泡很厚, 朱古力唔會比咖啡味搶哂, 朱古力夠濃。跟住叫左個all day breakfast都唔錯, 就係正常既水準, 但煙肉要讚一下, 煎得脆脆的.牛角包上有一層薄薄既蜜糖, 點少少茄汁豆, 酸酸甜甜就食開左個胃.我地share左一份雞翼有2隻味。一隻係十里香雞翼 , 食落係香草雞翼味, 唔算非常野味;另一隻係炸沙嗲雞翼, 沙嗲味唔重所以食落唔係好覺, 但個人覺得後者好味D, 可以4隻都叫哂同一個味,熱辣辣既小食幾時都咁吸引。最後仲叫左呢個豬肉春卷, 有6條都算係大滿足!佢唔似平時外面食既春卷帶有油味, 相反係好乾身脆脆既春卷,有D似泰式春卷,  我地夾左D菜黎食, 又係好開胃既小食。整體黎講呢間好唔錯, 好味又隱蔽, 不過位置唔多, 只適合2-3人一齊黎chill下 , 都好寫意, 仲要唔加一tim。