合興車仔麵

Open Now

Now Closed

朋友多次推薦我去呢間車仔麵檔，但位置唔就腳，所以未有機會食到。今日終於拎到visa入元朗國，當然去試試當地出名既車仔麵店。魚蛋：來貨嘢，冇咩特別，配上魷魚既辣汁當咖哩魚蛋食。牛柏葉：有咬口，唔會煮到太冧，唔錯。咖哩魷魚：我懷疑係咪咖哩，如果準確講似係辣汁多d……即使我忘記嗌辣度，用呢款汁咁撈都有同等效果，甚至比我朋友既小辣更加辣。魷魚爽口，係出面食唔到呢種感覺，所以呢個店鋪招牌菜真係值最高價位。埋單計數，加埋底係$57，晚餐黎講算可接受水平。