阿四車仔麵 (Closed)

車仔麵真係香港特式，鋪頭入黎食麵既係咩人都有，有一家大細，上班族，大學生情侶…餐廳係旺角鼓油街街尾，裝修似cafe，賣既係港式小食同車仔麵。麵要自己寫紙仔，好多選擇，自己揀埋配咩醬撈麵添。小食都有好多款，可以無限加餸😌識食梗係揀淨餸菜底，可以試多兩款餸麻😆，蘿蔔係必定要叫，好大舊好入味，一啲根都無，入口即淋，做招牌菜都得呀！其他丸呀魚蛋等大大粒熱辣辣唔錯。魚皮都好脆卜卜，又係必叫。另外男朋友叫左牛腩豬大腸肉食大王，佢話撈埋沙嗲醬好濃味幾過癮。