Video
Read full review
2020-01-09
685 views
最近係北角發掘左一間新既飯堂，食過一次之後，無間斷訪店，CP價超高！⠀⠀📋今日寫文做資料搜集先知道，車家(車仔麵之家)係灣仔晏頓街開設第一間立食車仔麵店，之後就係灣仔春園街同北角錦屏街兩昌分店。點餐方式要先到櫃面入單，畀錢，自己搵位坐低，廚房煮起就要自己起身去拎架喇。⠀⠀=|| 環境 ||=環境算係衛生(枱面係有小小痴手)，價錢仲可以Keep住咁平，長駐北角既朋友📍記得要Mark 低呢間鋪啊！⠀⠀=|| 食物 ||=店舖主打：🦑咖哩魷魚﹑🐖滷水豬大腸﹑🦐蝦膠豆卜﹑🐥雞翼﹑甜酸齋......茶包私心推介：🐖滷水豬大腸﹑🐥雞翼﹑🐖香茅豬扒﹑🥬生菜（排名不分先後）⠀⠀💕滷水豬大腸🐖店家翻貨之後會自行處理，洗得非常乾淨，唔單止冇污糟野，亦無令人抗拒既臭騷味。入口肉質柔牙又有嚼口，咬下咬下，入面既油脂會帶一股騷味，越嚼越香💕⠀⠀💕雞翼🐥簡值係茶包必點既膽！車家雞翼係用滷水汁去煮製，全部都入晒味，而且肉質仲keep 到超級細嫩！只要你咬開一邊軟骨，你就可以不帶一絲雞肉咁，完美地取出一枝單骨。🤭點可以做到呢一點架，入味之餘又keep到肉質嫩滑‼️⠀⠀💕香茅豬扒🐷🥩終於嗌左呢個貴餸——香茅豬扒($18/
⠀⠀
📋今日寫文做資料搜集先知道，車家(車仔麵之家)係灣仔晏頓街開設第一間立食車仔麵店，之後就係灣仔春園街同北角錦屏街兩昌分店。點餐方式要先到櫃面入單，畀錢，自己搵位坐低，廚房煮起就要自己起身去拎架喇。
⠀⠀
=|| 環境 ||=
環境算係衛生(枱面係有小小痴手)，價錢仲可以Keep住咁平，長駐北角既朋友📍記得要Mark 低呢間鋪啊！
⠀⠀
=|| 食物 ||=
店舖主打：🦑咖哩魷魚﹑🐖滷水豬大腸﹑🦐蝦膠豆卜﹑🐥雞翼﹑甜酸齋......
茶包私心推介：🐖滷水豬大腸﹑🐥雞翼﹑🐖香茅豬扒﹑🥬生菜（排名不分先後）
⠀⠀
💕滷水豬大腸🐖
店家翻貨之後會自行處理，洗得非常乾淨，唔單止冇污糟野，亦無令人抗拒既臭騷味。
入口肉質柔牙又有嚼口，咬下咬下，入面既油脂會帶一股騷味，越嚼越香💕
⠀⠀
💕雞翼🐥
簡值係茶包必點既膽！車家雞翼係用滷水汁去煮製，全部都入晒味，而且肉質仲keep 到超級細嫩！只要你咬開一邊軟骨，你就可以不帶一絲雞肉咁，完美地取出一枝單骨。🤭點可以做到呢一點架，入味之餘又keep到肉質嫩滑‼️
⠀⠀
💕香茅豬扒🐷🥩
終於嗌左呢個貴餸——香茅豬扒($18/一份)。一上枱我即wo左一下，因為係成塊豬扒上俾你，性價比十足！而且真係好香香茅味，炸既時間岩岩好，唔會太乾，外層都可以嚐到香口既滋味。只係成塊豬扒都係好油，好似冇「晾」油咁。
🔅P.S. 店中所有炸物都係即點即炸，所以一定新鮮上枱
⠀⠀
💔墨魚丸🦑
呢個就唔好叫喇，雖然未去到好粉既口感，但係個雪味好重，而且應該冇咩墨魚成份。好彩有小小蒜味吊住，如果真係唔想食落去
⠀⠀
💔午餐肉🐷
呢間既午餐肉都唔係茶包喜歡既餸。雖然可以見到有一片好厚身既午餐肉，表面煎到好香口咁，睇落真係好吸引架。不過……中間係冰冷架，如果你真係好想食，好想點一份試試，食之前，一定要放到麵底下面，浸一段時間先好食啦。
⠀⠀
💕菜類
每次茶包想食好多菜，都會諗起車家，因為生菜既份量超級足，成棵都放晒係你個碗到，而且每一條都係「索索」聲！所以呢個都係茶包既鐵膽 ⠀⠀⠀
⠀⠀
🔆食物分數率：7.5分（10分為滿分）
💖comfort food：🐖滷水豬大腸﹑🐥雞翼﹑🐖香茅豬扒﹑🥬生菜
❣可一：🦐蝦膠豆卜，咖哩魷魚，墨魚餅
⠀⠀
🔖加分位：北角食飯都唔平，呢間正正可以做到豐儉由人。女仔真係叫40蚊左右既餸已經好滿足！重點係：車仔麵界中，佢地算好乾淨！
⠀⠀
=|| 車仔麵之家 ||= 地址：北角錦屏街後街21號東發大廈地下A號地舖
Tel : 27892998
Post
