香港永年車仔麵茶冰廳

Open Now

Now Closed

回想起對上一次食永年就係當永年重係元朗既一間車仔麵檔，今時今日已經係港九新界都有分店，中上茶餐廳級數。今日途經沙田見唔多人就入去食個晏，眾所周知永件出名既係車仔麵，不過今日就想試下佢地既焗豬扒飯，另外叫左兩個小食蝦多士同埋南乳雞翼。依家既永年已經係一坐低就用自己既手提電話數QR CODE落單，餐牌上寫焗豬要等15分鐘以上，所以叫左兩個小食去充實呢個等焗豬既時間，首先上枱既係蝦多士，蝦多士脆口不過略嫌蝦味道唔夠。之後上既係南乳雞翼，3隻既份量剛剛好，南乳味剛好而且雞翼香脆，搶番唔少分數。最後等左15分鐘既焗豬終於上場，香濃既蕃茄醬汁、炒飯底、厚身既豬扒，永年全部具備，重加埋隻太陽蛋係飯上面，果然不負係餐牌上必食所望。最後叫埋佢地既樽仔奶茶真係令呢個午餐畫上完美句號。樽仔凍奶茶係將原樽奶茶直接放入雪櫃，上枱時味道唔會因為有冰而整淡左奶茶既味道，而且甜度剛好。永年既餐牌變得多元化，下次再試佢地既招牌菜式！