孖寶車仔麵 (Closed)

今日同同事lunch去左公司附近新開左間車仔麵店，一入到去成間店舖都有種懷舊感覺，然後迅速點了4餸麵，有一樣野好抵讚，大家都知道要返工嘅香港人食個lunch 有幾趕架啦，時間緊迫，不過呢間車仔麵好快手，等左冇三分鐘就有麵食了！我果碗係豬紅，蘿蔔，滷水豆腐同豬大腸，手打麵，秘制汁，同埋孖寶辣汁，小辣。 豬紅同滷水豆腐好入味，蘿蔔清甜，豬腸都幾乾淨，而個秘制辣汁都值得推介，味道好濃，好味😋我朋友就叫左雞亦，豬紅同牛腩，雞亦好入味又唔會過淋，正！