金子半之助 (利東街)

Open Now

Now Closed

一個星期總有一兩次會經過利東街，裡面都有好多餐廳，見到金子半之助都想試好耐，今日有時間食個飯飯啦。好，坐低睇下有咩好食先。車海老帆立貝天丼，店員介紹先食海老，再食帆立貝，最後溫泉蛋拌飯。蝦肉好實淨好彈，外面炸皮好香脆，裡面肉質緊緻，做得好好啊！帆立貝係北海道直送，濃郁鮮甜。個飯嘅醬油都好好味，原來秘方係用天然大豆和無添加原材料去精製，中間發現有柚子皮，令到個汁真清爽。最後用溫泉蛋拌飯，蛋液包住每粒飯，多層次濕潤口感，正！