Video
Read full review
2017-07-14
201 views
近日有唔少人朝聖，為嘅係車輪餅。以往廣為人知係美孚一間賣車輪餅，但住係港島區的飯友又點會只為左車輪餅去到咁遠。但而家連西灣河地鐵站一出就到嘅太安樓都有一間食肆賣。我經開個附近當然要試一試。睇落門面冇咩特別，係一間食肆內加多條副線做小食。食肆雖然未開，但外面已經見人龍買車輪餅，屬於小店嘅兩位女士不停叫賣，只見廚房一單接一單，冇停過。我叫左一個朱古力車輪餅，同一包蛋糕仔。😂【請不要介意我咬左啖】朱古力車輪餅貴過其他少少，12蚊一個，但真係唔怪之得咁多人食，好好味。味道好甜，係拖肥朱古力熱融左的味道，但熱食車輪餅先食到咁好的質感。縱使天氣咁熱，但有美食又有咩所謂呢讚完車輪餅 ，我不得不講下蛋糕仔。蛋糕仔我一點都唔推薦。（可惜冇影近照）外貌似大少少又好脹的雞蛋仔。味道係超級超級麵粉味，好似唔好味的雞蛋仔。蛋糕仔好軟，唔係脆版雞蛋仔。但食完幾粒之後就好飽😑個人黎講，唔太鍾意食物有好大陣麵粉，發粉的味道，所以都唔推薦俾飯友們。食物味道外，有一點要特別注意-時間。下單之後，我等左15分鐘左右先拎到手上呢兩樣食物。有足夠時間係太安樓食埋同場的手卷，再返黎等。如果好餓好餓個種，就去食完小小野填一填肚再買
但而家連西灣河地鐵站一出就到嘅太安樓都有一間食肆賣。我經開個附近當然要試一試。
睇落門面冇咩特別，係一間食肆內加多條副線做小食。食肆雖然未開，但外面已經見人龍買車輪餅，屬於小店嘅兩位女士不停叫賣，只見廚房一單接一單，冇停過。
我叫左一個朱古力車輪餅，同一包蛋糕仔。
😂【請不要介意我咬左啖】
朱古力車輪餅貴過其他少少，12蚊一個，但真係唔怪之得咁多人食，好好味。味道好甜，係拖肥朱古力熱融左的味道，但熱食車輪餅先食到咁好的質感。
縱使天氣咁熱，但有美食又有咩所謂呢
讚完車輪餅 ，我不得不講下蛋糕仔。蛋糕仔我一點都唔推薦。
（可惜冇影近照）外貌似大少少又好脹的雞蛋仔。味道係超級超級麵粉味，好似唔好味的雞蛋仔。蛋糕仔好軟，唔係脆版雞蛋仔。但食完幾粒之後就好飽😑
個人黎講，唔太鍾意食物有好大陣麵粉，發粉的味道，所以都唔推薦俾飯友們。
食物味道外，有一點要特別注意-時間。下單之後，我等左15分鐘左右先拎到手上呢兩樣食物。有足夠時間係太安樓食埋同場的手卷，再返黎等。
如果好餓好餓個種，就去食完小小野填一填肚再買黎當小食、甜品會更佳。小食店如此的速度，恐怕未到小食店應有的水準。
因為通常去街邊小食店買野食，都係貪求快靚正。🤔
但剛營業冇耐，可以睇下之後會唔會有改善。
Post
