Video
Read full review
2023-02-27
189 views
又黎多次食龍鳳號，今次小編主要想食小食，食少啲飯麵類🤣🫣，但同b🐷就眼闊肚窄咁叫咗5樣嘢，食得太飽😂。台式烤香腸 4/5 $32經典嘅烤香腸，豬肉香味帶點甜味，夾起一片香腸之後要跟埋蒜片，然後擺入口，蒜頭天然嘅辣味，增加咗香腸嘅風味，但係要留意嘅係，食太多蒜頭口臭🫣。蔥肉捲🥓 4/5 $46豬肉片，捲着香蔥，仲要煎得超香超惹味，加埋酸辣汁，一咬落去嗰啲汁水就爆曬出嚟，但豬肉片好似有啲碎骨咁，食起上嚟會索索聲，有啲奇怪。家鄉紅趜滷豬手 5/5 $78小編好鍾意依個豬手，佢炆得幾淋，豬手唔會骨多肉少，啖啖肉，食上嚟先夠過癮🤭🤣。佢個醬汁係甜，可能加咗少少陳醋？佢嗰隻香味其實好啱送飯食嘅。膠原都唔錯，食完豬手嘴唇都俾佢黏住😋😋。份量都幾多，我同b🐷每人都食咗四舊豬手，$78嘅價錢真係好抵食。滷豆腐 3/5 $32正常滷水嘢，豆腐吸左啲滷水汁都幾好味。惹味肉燥乾拌麵 🍝4/5 $38原本以為係乾撈麵，但係佢個米線其實係濕濕地，加埋啲肉燥蒜蓉芽菜撈埋，爽口嘅芽菜中和返濕潤嘅米線同肉燥蒜蓉，有少少辣味幾好食嘅。地點:要行入去一間商業大廈入邊再上兩層樓，唔熟觀塘可能要啲時間先可以搵到。環境:張枱比較
台式烤香腸 4/5 $32
經典嘅烤香腸，豬肉香味帶點甜味，夾起一片香腸之後要跟埋蒜片，然後擺入口，蒜頭天然嘅辣味，增加咗香腸嘅風味，但係要留意嘅係，食太多蒜頭口臭🫣。
台式烤香腸
$32
16 views
0 likes
0 comments
蔥肉捲🥓 4/5 $46
豬肉片，捲着香蔥，仲要煎得超香超惹味，加埋酸辣汁，一咬落去嗰啲汁水就爆曬出嚟，但豬肉片好似有啲碎骨咁，食起上嚟會索索聲，有啲奇怪。
蔥肉捲
$46
4 views
0 likes
0 comments
家鄉紅趜滷豬手 5/5 $78
小編好鍾意依個豬手，佢炆得幾淋，豬手唔會骨多肉少，啖啖肉，食上嚟先夠過癮🤭🤣。佢個醬汁係甜，可能加咗少少陳醋？佢嗰隻香味其實好啱送飯食嘅。膠原都唔錯，食完豬手嘴唇都俾佢黏住😋😋。份量都幾多，我同b🐷每人都食咗四舊豬手，$78嘅價錢真係好抵食。
家鄉紅趜滷豬手
$78
12 views
0 likes
0 comments
滷豆腐 3/5 $32
正常滷水嘢，豆腐吸左啲滷水汁都幾好味。
滷豆腐
$32
17 views
0 likes
0 comments
惹味肉燥乾拌麵 🍝4/5 $38
原本以為係乾撈麵，但係佢個米線其實係濕濕地，加埋啲肉燥蒜蓉芽菜撈埋，爽口嘅芽菜中和返濕潤嘅米線同肉燥蒜蓉，有少少辣味幾好食嘅。
惹味肉燥乾拌麵
$38
24 views
0 likes
0 comments
地點:
要行入去一間商業大廈入邊再上兩層樓，唔熟觀塘可能要啲時間先可以搵到。
環境:
張枱比較矮，懷疑所有男仔都係會頂住隻腳，好唔舒服。🥲🥲但係佢哋有提供籃放袋，都幾細心，😊角落頭位有啲蚊。
價錢:
平均每人＄120 食到飽一飽，性價比幾好，份量唔差。
服務:
平日六點晚市，兩個人揀咗四人位坐，但係有店員要求我哋對住坐，又話驚有其他客人，但係食完都係冇坐滿成間舖頭。🫡
Post
