十二鍋 (Closed)

🍲自從唔再食卜野家之後就好耐無食呢啲輕便一人鍋，其實都幾懷念果種輕輕鬆鬆一百幾十蚊嗌個鍋有齊唔同料一鑊熟然後慢慢嘆嘅感覺🤥最近畀我發現佐敦就有間類似嘅一人火鍋店，十幾款鍋物畀你揀豬牛雞唔同湯底同配料嘅配搭都有，花多眼亂真係會選擇困難㗎！🍲芝士竹輪壽喜燒套餐 $➊➊➎壽喜燒湯底算係人氣之選，呢個鍋除左主角牛肉同埋芝士竹輪，仲有蟹棒、炸支竹、蜂巢豆腐、香菇、南瓜、粟米等等嘅配料。當然加埋隻生雞蛋先至稱得上正宗壽喜燒啦。🍲台式沙茶肥牛窩套餐 $➊➊➎ 沙茶醬湯底味道十足，除左同上一個鍋類似嘅配料，呢個鍋仲有牛丸、芋頭貢丸呢啲特色食材。食到一半落埋個烏冬落去煮，索哂濃濃湯底嘅精華。跟餐加配埋杯芋香奶綠珍珠，簡直係完美嘅配搭🤪🫔芋頭魚卷 $➍➋類似平時食到嘅魚肉春卷，用腐魚包有芋頭泥同埋魚肉，炸香後外脆內嫩。內餡用芋頭同魚肉2種唔同口感嘅食材而製，咬落幾特別，味道亦都算幾夾。一碟小食份量都幾多，岩哂2個以上嘅朋友分享。🍖夜市雞皮卷 $➌➏好地道嘅一款台灣小食，去親台灣夜市幾乎必嗌，即刻拎翻少少去台灣旅行嘅感覺先。用薄薄雞皮包翻住雞肉再拎去炸香，高溫炸嘅過程可以逼翻哂雞皮嘅脂肪岀黎，變成一塊脆片。