Video
Read full review
2015-03-17
953 views
之前見朋友FB嚟呢度食, 好似幾大幾抵食, 於是相約此朋友嚟親證, 但原來冇我預期中咁大囉~是晚雖然係平晚, 七點鬆D嚟到, 要等一陣, 好彩只係等佢執枱, 所以都係等咗幾分鐘, 食開的朋友可能知道呢間其實係附近一間排隊排好耐先有得食果間"金X", 入面D師傅走出嚟自己開的, 所以唔駛去果度排咁耐, 嚟呢度只係等一陣就食到差不多的扒, 不過我冇耐性, 所以未食過始祖果間, 但朋友話呢度好D, 起碼枱與枱之間都闊落D, 而且未至於背脊貼背脊, 其實呢度對我嚟講都算迫, 枱與枱之間都唔係話好闊, 只係未駛則身行, 咁我真係想像唔到果間有幾迫.............所以我朋友話去果間食完, 會成身油煙味, 呢度算好好咯~當我地坐低哂, 我仲睇緊食乜時, 已經有伙計問飲咩湯? 咁即係佢預計入得嚟食, 都係一人叫一個餐, 倒不如一早上定個湯, 等你冇得走,..............我最終都係決定食上次見朋友好大份的"羊膝".......... 羅宋湯 + 餐包餐包都係交貨果d, 而且冇叮熱, 一般啦~羅未湯好多菜, 但唔覺有肉味~ 羊膝餐期待已久的羊膝, 仲以為好大隻, 但點知咁細,
是晚雖然係平晚, 七點鬆D嚟到, 要等一陣, 好彩只係等佢執枱, 所以都係等咗幾分鐘, 食開的朋友可能知道呢間其實係附近一間排隊排好耐先有得食果間"金X", 入面D師傅走出嚟自己開的, 所以唔駛去果度排咁耐, 嚟呢度只係等一陣就食到差不多的扒, 不過我冇耐性, 所以未食過始祖果間, 但朋友話呢度好D, 起碼枱與枱之間都闊落D, 而且未至於背脊貼背脊, 其實呢度對我嚟講都算迫, 枱與枱之間都唔係話好闊, 只係未駛則身行, 咁我真係想像唔到果間有幾迫.............所以我朋友話去果間食完, 會成身油煙味, 呢度算好好咯~
當我地坐低哂, 我仲睇緊食乜時, 已經有伙計問飲咩湯? 咁即係佢預計入得嚟食, 都係一人叫一個餐, 倒不如一早上定個湯, 等你冇得走,..............我最終都係決定食上次見朋友好大份的"羊膝"..........
羅宋湯 + 餐包
餐包都係交貨果d, 而且冇叮熱, 一般啦~羅未湯好多菜, 但唔覺有肉味~
羊膝餐
期待已久的羊膝, 仲以為好大隻, 但點知咁細, 好失望, 連食開果個朋友都話今次細咗好多, 上次都食唔哂, 但今次竟然食哂, 可能批批唔同, 我唔好彩囉~味道我又覺得一般, 都係有用嘢乸過, 唔係自然肉質, 但未至於好誇張, 可以接受, 因為仲有少少咬口同質感, 不過汁就只得兩個選擇, 一係辣的黑椒汁, 一係唔辣的燒汁, 我唔食辣, 唯有選燒汁, 佢係有專人拎住呢兩個汁, 跟住d扒一齊出嚟, 然後响你面前淋汁, 所以多少可控制, 如果想再野味d, 可以加蒜茸, 我見有d人加超多蒜茸~
如果夠食的話, 可以唔駛加錢配意粉或飯, 因為佢有幾條薯條, 冇出面茶餐廳咁多, 到喉唔到肺, 又冇乜菜~
熱檸水 + 啫喱
檸水例牌貨, 冇特別就唔多講, 講下個啫喱, 只係平晚先有, 仲要係送完即止, 唔駛問亦冇得追, 到咁上下時間, 就會有個亞姐拎住一盤, 見你食扒餐就問你要唔要? 要就加唔加花奶? 但味道偏淡, 可能溝多幾杯掛? 不過好過冇啦~ 叫做有個甜品, 完整一餐~同茶餐廳一樣, 自己出收銀埋單, 果度有d糖比你食, 等你食完蒜可減輕口氣, 而且呢期食滿唔知幾錢, 仲有小禮物送tim~
Post
