Video
Read full review
2022-04-08
204 views
今日趁男朋友放大假，Book左間新開既泰國菜食下。餐廳裝修好Grand，一入去就感受到職員好好服務態度，男朋友仲話有酒店級服務質素。入到去餐廳已經好多人，好彩有Book位，我地被安排坐係落地玻璃邊既位置，景觀開揚，望到成排棕櫚樹🌴 🌴 🌴都知哩間餐廳係中高價位，除左對服務同環境有要求，我地對佢食物都有一定要求。服務同景觀暫時都好滿意，接下來就係食物喇：我地叫左半隻海南雞（$188）、一個虎蝦炒金邊粉PadThai（$198）同一個芒果糯米飯（$108）。職員亦有主動提出幫我地後上甜品👍🏻🦐 虎蝦炒金邊粉 Pad Thai （$198）金邊粉配兩隻虎蝦，側邊有青檸、花生碎同辣椒粉，包住金邊粉既蛋花整得好靚。金邊粉質地偏彈牙，唔會炒到好濕、好黏，入面仲有香口既蝦米。而兩隻虎蝦肉質結實。整體來說係炒得好好。🐓 半隻海南雞 （$188）餐廳用既海南雞醬，唔係傳統既甜鼓油、薑蓉同辣醬，而係餐廳秘製三色醬，兩辣一不辣。綠色係羅勒青檸辣醬、紅色係小小辣、中間就係蒜頭花生。由於我食唔到辣，主要配都係返中間既「蒜頭花生」，由於蒜頭有先炒過，所以比甜鼓油更香口。而辣醬方面，男朋友話羅勒青檸辣醬食落有種真係
今日趁男朋友放大假，Book左間新開既泰國菜食下。餐廳裝修好Grand，一入去就感受到職員好好服務態度，男朋友仲話有酒店級服務質素。
入到去餐廳已經好多人，好彩有Book位，我地被安排坐係落地玻璃邊既位置，景觀開揚，望到成排棕櫚樹🌴 🌴 🌴
都知哩間餐廳係中高價位，除左對服務同環境有要求，我地對佢食物都有一定要求。服務同景觀暫時都好滿意，接下來就係食物喇：
我地叫左半隻海南雞（$188）、一個虎蝦炒金邊粉PadThai（$198）同一個芒果糯米飯（$108）。職員亦有主動提出幫我地後上甜品👍🏻
🦐 虎蝦炒金邊粉 Pad Thai （$198）
金邊粉配兩隻虎蝦，側邊有青檸、花生碎同辣椒粉，包住金邊粉既蛋花整得好靚。
金邊粉質地偏彈牙，唔會炒到好濕、好黏，入面仲有香口既蝦米。而兩隻虎蝦肉質結實。
整體來說係炒得好好。
虎蝦炒金邊粉
$198
16 views
0 likes
0 comments
🐓 半隻海南雞 （$188）
餐廳用既海南雞醬，唔係傳統既甜鼓油、薑蓉同辣醬，而係餐廳秘製三色醬，兩辣一不辣。
綠色係羅勒青檸辣醬、紅色係小小辣、中間就係蒜頭花生。
由於我食唔到辣，主要配都係返中間既「蒜頭花生」，由於蒜頭有先炒過，所以比甜鼓油更香口。
而辣醬方面，男朋友話羅勒青檸辣醬食落有種真係喺泰國既味道。
海南雞
$188
10 views
0 likes
0 comments
至於雞肉方面，餐廳係有用心處理細節位！
作為海南雞，基本標準就係全部雞肉都要嫩滑， 佢地做到之餘，亦係少有既餐廳會做埋雞翼去骨。
雞翼去骨真係好花心思，去骨後仲要保留到雞翼形狀。
而平時最多筋既雞小腿位置亦處理好，完全無筋。
食得出背後花左既心思
🥭芒果糯米飯 （$108）
餐廳係處理糯米飯形狀都有花心思，我地兩個人食，佢地將一半飯整到兩個壽司大細既一口size，鋪上芒果粒粒、另一半就係好傳統既擺法，一團糯米飯配數片芒果（唔知係見我地兩人，所以特登整兩個一口size，定本身都係咁。因為睇menu 張相係4個一口size😂）
芒果糯米飯
$108
11 views
0 likes
0 comments
整個甜品做得好出色，尤其啲芒果，好甜又無渣，誇張啲講，入口有溶化既感覺。
我地為此問左職員係用咩品種既芒果，得知芒果係泰國進口，而餐廳既食材都係由泰國送黎，例如佢地既矮瓜並唔係常見既紫色矮瓜，而係綠色既。
可能因為用返泰國食材，食落先咁有泰國味道。🤔
食完餐飯好滿足，一來服務真係好好，有去左酒店餐廳被完全照顧到既感覺；二來食物除左好食，亦有好多用心細節位，會考慮埋進食時既方便程度，唔會食到無晒儀態😁
Post
