Video
Read full review
2016-02-26
821 views
喺最最最最寒冷嘅天氣，朋友竟然要我幫佢個老婆（車）影寫真，見佢難得放假我哋可以四圍去，緊係要一齊食早餐先啦！一向識搵隱世好嘢食嘅朋友，自從考左車牌之後就四圍去，有啲去西貢嘅食評都係同佢一齊去食嘅，佢又會約埋一班朋友，一朝早五點幾就游車河睇日出，今日一大朝早揸咗大約一個鐘頭車，大約11點我哋就入嚟到鹿頸，周圍有好多高嘅樹木，阻擋一下冷空氣，餐廳靠近山邊都幾溫暖，周圍環境好似一個小山莊，餐廳對面就係小巴站，街坊同店家都不時打招呼。餐廳分為室內外，以膠枱櫈為主好適合郊外環境。呢個位置有三間餐廳，今日食嘅陳鳳記係最近馬路嘅一間，朋友話一到假日就會有好多遊車河嘅食客嚟食早餐，馬路會泊咗好多層樓係到 哈哈。時間尚早未有太多食客，今日有啲毛毛雨，好在餐廳有簷篷，營造半露天感覺，隨着微風聽住細雨嘀嘀噠噠嘅聲音，就睇下餐牌有咩好嘢食先！早餐有4款，包括素食早餐set價錢$48-58，多款麵餐$38-50，午餐由$45起，價格公道呀！All day breakfast B3 + 熱飲 $58煎雙蛋、多士、英式香腸、煙肉、薯餅、焗豆早餐到啦～有烘好嘅牛油多士，經翻熱嘅蕃茄豆食落暖粒粒，朋友唔食豆仲可以轉做火
一向識搵隱世好嘢食嘅朋友，自從考左車牌之後就四圍去，有啲去西貢嘅食評都係同佢一齊去食嘅，佢又會約埋一班朋友，一朝早五點幾就游車河睇日出，今日一大朝早揸咗大約一個鐘頭車，大約11點我哋就入嚟到鹿頸，周圍有好多高嘅樹木，阻擋一下冷空氣，餐廳靠近山邊都幾溫暖，周圍環境好似一個小山莊，餐廳對面就係小巴站，街坊同店家都不時打招呼。餐廳分為室內外，以膠枱櫈為主好適合郊外環境。
呢個位置有三間餐廳，今日食嘅陳鳳記係最近馬路嘅一間，朋友話一到假日就會有好多遊車河嘅食客嚟食早餐，馬路會泊咗好多層樓係到 哈哈。時間尚早未有太多食客，今日有啲毛毛雨，好在餐廳有簷篷，營造半露天感覺，隨着微風聽住細雨嘀嘀噠噠嘅聲音，就睇下餐牌有咩好嘢食先！早餐有4款，包括素食早餐set價錢$48-58，多款麵餐$38-50，午餐由$45起，價格公道呀！
All day breakfast B3 + 熱飲 $58煎雙蛋、多士、英式香腸、煙肉、薯餅、焗豆
早餐到啦～
有烘好嘅牛油多士，經翻熱嘅蕃茄豆食落暖粒粒，朋友唔食豆仲可以轉做火腿，另外有煎到黃色嘅香腸，燒焦過特別吸引，兩塊炸到通透嘅煙肉，食早餐就最鍾意食雞蛋，可以選炒蛋或太陽蛋，我就揀半熟荷包蛋，店員仲會問要唔要黑胡椒，枱上有茄汁，俾我哋點薯餅食，薯餅炸都好脆好香口！
店員落單嘅時候，都會幫我哋寫埋飲品，等我哋食到差唔多完嘅時候就送上，我點左杯茶走，茶味都幾香唔錯。飲完餐然之後，店員仲為我哋送上暖水，比起好多餐廳都更貼心！
All day breakfast B3
$58
62 views
0 likes
0 comments
草莓果醬
22 views
1 likes
0 comments
我細個嘅時候除咗星期一至五要返學，其他日子都會參加野外活動，行山露營就更加唔少得，試過有一個月嗰嗰星期都去露營，都唔知點解嗰時會升到班 哈哈，只係記得當時過得好開心，身上留低幾多蚊爛，曬到甩晒皮冇所謂，所以由細到大都好鍾意置身係郊外，環境寧靜所有事情都回復自然。露營時候，最深刻印象係天寒地凍下煮早餐，所有要做嘅嘢，唔似得係屋企咁方便，因為怕雪藏嘅肉類會壞，所以係出發前就要將佢哋雪落冰箱，再用膠袋及報紙包到實一實，係煮之前就會慢慢融雪，材料準備再拎埋Gas爐同cook set，記得細嗰連開打火機都會怕，開好火就一齊煮早餐，大家都會掙住幫手，因為可以痴近火爐取暖，我哋多數都係煮公仔麵、煎火腿午餐肉、阿華田，簡簡單單，夠飽肚暖胃。
交通：可以係粉嶺鐵路站搭56K綠色小巴，經沙頭角公路入到鹿頸，不過平均半小時一班車，食店可留意一下交通安排。陳鳳記 Chan Fung Kee
粉嶺沙頭角鹿頸路
Tel: 2674 0931
Post
