小南國 (Closed)

依餐飯局都約得太耐喇，半年？一年？終於都就到時間見面，為左大家都順路就腳，就試小南國啦。初嚐小南國，未黎之前仲諗住會好貴、會好多人等位。原來發現價錢經濟大眾化，而且今晚無咩食客，座位只係半滿，我地唔洗等位直接入座，隨便坐。貪心又貪吃的人當然好多野想試，左度右度，唔可以再浪費時間，立即決定 order 個二人餐，再散叫幾款小菜，搞掂。環顧四周地方寬倘，檯椅密度低，有足夠私人空間，空氣又流通，不會有侷促感覺，裝修得美綸美煥、富麗堂煌。醃蘿蔔乾，爽脆無渣，酸中帶甜。陳醋雲耳配蘿蔔絲，雲耳健康又夠爽，浸埋甜醋夠開胃，夾埋多汁多水酸蘿蔔絲同吃，更加醒神。百葉小棠菜，從來未食過，多年來都只係睇相，不知道是什麼呢。原來係豆製品黎喎，質感似腐竹，而且有濃郁豆香，味道非常清淡，不過不失啦。對小棠菜喜歡度一般，不夠爽嫩、不夠水潤、不夠甜美，硬身不熱。上海小籠包，即叫即蒸您好野，熱到出噴氣氛甚好，好味好味，開心晒。運功用陰勁夾起小籠包，包皮漿力十足又極具彈性，就算注得湯汁滿滿，身驅重重重的，都不易撕裂。將小籠包溫柔地躺在黑醋上半響，微微降一降溫，立即原粒拋入口腔黑洞中 ﹗一咬爆破，肉汁飛射，沾滿所有牙齒及味