茶湯會 (新都城中心) (Closed)

朋友睇我社交平台見呢度既吐司同野飲咁正就叫我帶佢黎試下~趁今日HAPPY FRIDAY就同佢黎新都城行街兼食呢個吐司同燕麥觀音拿鐵咁美味既組合!我地7點去到都已經有唔少人買緊外賣，亦有人堂食~食呢度堂食感覺有點文青風~可能店鋪裝修都有D影響，坐係度感覺個人幾有氣質，雖然鋪位入面唔係好多地方有得坐，但坐落既感覺舒服，同朋友食個light dinner或者食個tea飲下野都唔錯!香辣吞拿魚吐司朋友唔係好食得辣，本身想揀珍珠奶茶吐司~但經我遊說一番之後都係決定要香辣吞拿魚吐司!吐司即叫即製，所以要等耐少少。但等待美食既時間係值得既!一上到檯熱辣辣~同朋友一人一半share食~切開果下已經知個吐司有幾脆!分開之後見到入面滿滿既吞拿魚餡料，加左d辣椒同沙律醬，所以味道十分豐富，辣味真係唔係太勁，所以連奄尖既朋友都大讚覺得ok!燕麥觀音拿鐵珍珠只有熱飲~唔知係咪因為有燕麥成份所以一定要用熱既水沖呢!熱既拿鐵撞上鐵觀音呢個組合真係之前冇諗過!!飲既時候每啖都飲到d珍珠同燕麥，甜甜地好好味~又大大杯，真係抵飲又抵食! 新鮮水果茶手調飲品入面平時最鍾意食水果茶，感覺健康D又解渴D咁!今日就黎呢度試下呢杯