Hungry Korean (亞士厘道)

Open Now

Now Closed

尖沙咀的午餐其實好多選擇，不過要數平既hungry Korean 就係其中一間。因為今日胃口唔多好，要左個韓式魷魚壽司同加錢要三小碟小食；而朋友就要左牛肉石頭飯。我今次就冇食石窩飯，所以淨係評論一下韓式壽司同小食就好了！韓式壽司同日式既分別就係韓式既飯係撈左麻油又有芝麻的，食落去好香口，魷魚又有少少辣，可以刺激一下腸胃。再加上係好少飯，唔會有好飽肚的感覺，食埋小食就岩岩好。小食方面有薯泥沙律，泡菜同魚片。薯泥沙律酸酸凍凍的好開胃，魚片亦係我至愛，唔係港式既味道，好似用醬油處理過的。不過對個泡菜有點失望，有點似超級市場的中國貨。呢道其實平時都長期爆滿，好彩今日早一步先一入去就有位。