Video
Read full review
2013-03-28
119 views
11月30日, 呀菲我生日, 呀比神神秘秘咁話要帶我去食日本野~ 開頭我仲以為佢要帶我去食拉麵… 哈~ 原來佢係帶我嚟呢個真係好神秘嘅hidden kitchen, 食我想試好耐嘅超澎湃蛋包飯!::: 香滑奄列飯定食(牛肉燴汁) ::: $98定食本身包晒餐湯同沙律~ 餐湯係一貫日式風味嘅忌廉粟米湯, 質地香濃杰身. 沙律除咗有普通沙律菜之外仲有一球滑溜嘅薯仔沙律~ 裡面除咗混入粒粒軟腍薯仔, 仲有d青瓜同紅蘿蔔粒, 沙律醬唔會過多, 感覺健康好味~期待已久嘅奄列飯終於上場~ 表面睇落平平無奇, 好似只係一塊巨型奄列上面淋上牛肉燴汁咁… 但只要喺奄列上輕輕界一刀, 奄列緩緩裂開, 裡面充滿住澎湃嘅滑滑雞蛋, 半熟蛋汁徐徐流出, 好似呼喚你大口大口去食咁! 再切深d, 見到裡面撈咗番茄汁嘅橙紅珍珠米飯, 酸酸甜甜, 同滑蛋味道十分相配~ 撈埋d牛肉燴汁食又更添惹味! 因為飯粒煙韌軟腍, 奄列豐富滑溜, 牛肉汁又濃郁惹味, 令人忍唔住一啖接一啖咁食落去~凍檸茶茶味頗濃, 檸檬亦比得夠~ 糖水自己落~ 沒有唔好飲嘅理由~::: 流心芝士漢堡扒定食 ::: $118呢個流心芝士漢堡扒同樣被濃郁
::: 香滑奄列飯定食(牛肉燴汁) ::: $98
定食本身包晒餐湯同沙律~ 餐湯係一貫日式風味嘅忌廉粟米湯, 質地香濃杰身. 沙律除咗有普通沙律菜之外仲有一球滑溜嘅薯仔沙律~ 裡面除咗混入粒粒軟腍薯仔, 仲有d青瓜同紅蘿蔔粒, 沙律醬唔會過多, 感覺健康好味~
期待已久嘅奄列飯終於上場~ 表面睇落平平無奇, 好似只係一塊巨型奄列上面淋上牛肉燴汁咁… 但只要喺奄列上輕輕界一刀, 奄列緩緩裂開, 裡面充滿住澎湃嘅滑滑雞蛋, 半熟蛋汁徐徐流出, 好似呼喚你大口大口去食咁! 再切深d, 見到裡面撈咗番茄汁嘅橙紅珍珠米飯, 酸酸甜甜, 同滑蛋味道十分相配~ 撈埋d牛肉燴汁食又更添惹味! 因為飯粒煙韌軟腍, 奄列豐富滑溜, 牛肉汁又濃郁惹味, 令人忍唔住一啖接一啖咁食落去~
凍檸茶茶味頗濃, 檸檬亦比得夠~ 糖水自己落~ 沒有唔好飲嘅理由~
::: 流心芝士漢堡扒定食 ::: $118呢個流心芝士漢堡扒同樣被濃郁嘅牛肉燴汁覆蓋住, 成塊芝士就溶到包住晒成份漢堡扒~ 不過如果唔襯熱食, 芝士好快又會凝固番, 同埋其實芝士味唔算好濃,有d似片裝芝士咁…反而漢堡扒味道唔錯~ 質地鬆軟之餘亦夠juicy, 蘸d牛肉汁食更好味!
熱咖啡聞落幾香, 但係飲落唔算係太濃味, 啡味唔突出… 加咗d奶都滑番d, 可以接受~
呢度好多侍應同廚師都係日本人, 感覺上食物都做得正宗d日式d同認真d~ 呢個又澎湃又食得飽飽嘅奄列飯絕對令我十分驚喜! 下次有機會仲會想試埋今日無得供應嘅三十小時燉牛肉定食~ 多謝呀比為我安排嘅呢餐美味生日飯!
Post
