Espuma (H8) (Changed Hand) New Restaurant

平時去尖沙咀都係食韓國菜多，今次同朋友決定換下口味，食西班牙菜之前嚟過espuma食tea，覺得幾好味，價錢又ok，就決定嚟試下佢嘅晚餐~呢度裝修過，lift口繽紛嘅壁畫同店內富有色彩嘅佈置都俾人年輕嘅感覺。店內燈火通明， 相比一般光線昏暗嘅歐洲菜餐廳，呢度感覺冇咁拘謹，較輕鬆嚟得食西班牙菜梗係要食tapas啦，我哋叫咗2個tapas，焦糖單骨雞翼同黑毛豬火腿配蕃茄醬及多士。焦糖單骨雞翼($58)新鮮滾熱辣，食嘅時候要小心盪口 蜜糖雞翼就食得多，冇諗過焦糖同雞翼都可以咁夾。雞翼嘅外皮炸得香脆，配以焦糖同少量黑椒，甜味當中帶有一絲微辣，惹味非常另一個tapas係西班牙黑毛豬火腿配蕃茄醬及多士($188)，order嘅時候冇諗過係咁大盤呢火箭菜嘅清新剛好減低火腿濃烈嘅咸味，而火腿肉同脂肪比例好好，食到油脂的甘香但又唔會膩。另一邊嘅小多士配上酸甜嘅蕃茄沙沙醬幾開胃～因為想留肚食甜品，所以主菜就只係叫咗一個，炸蟹拑墨魚汁燴飯($118)。墨汁飯咸咸哋，入面應該加咗d洋蔥，爽爽哋，增加口感。但食完記得要即係抺一抺嘴呢甜品就叫咗彩虹麻糬窩夫，配朱古力雪糕($78)。窩夫賣相十分吸引，口感外脆內煙靭