海皇粥店 (東港城) (Closed)

星期日下午到將軍澳東港城搵嘢食， 好多地方都排長龍， 唯獨是海皇粥店唔需要排隊， 所以就即興入去食午餐。 看一看餐牌發現多了很多唔同的款式， 當日不算太肚餓， 所以就叫了輕量套餐～迷你艇仔粥＋ 炒麵＋油條（半份）$39、 迷你碎牛粥＋ 蝦米腸＋油條（半份）$39 、迷你艇仔粥＋ 炒米粉 ＋油條（半份）$39、 熱咖啡$6、凍豆漿$6、凍奶茶$8。油條～ 一個套餐裏面有半份，口感鬆脆，又有韌勁， 送粥食最正。迷你艇仔粥～ 粥底煲得很綿， 但材料不算多。迷你碎牛粥～ 其實碎牛粥和艇仔粥好似差不多， 材料有點相似。炒麵～ 炒得夠乾身， 我喜歡加甜醬一起吃。蝦米腸～ 口感軟綿滑溜， 加點甜豉油， 味道唔錯。炒米粉～ 炒米粉有點散， 囗感麻麻地。熱咖啡、凍豆漿和凍奶茶～ 以前多數到海皇粥店都只會飲豆漿， 今次試下奶茶和咖啡， 兩款味道都唔錯喎！雖然只是一個輕量套餐， 但是份量都幾多， 食物質素比之前有水準， 價錢又便宜。