Video
Read full review
2024-10-20
288 views
Délifrance今次要介紹喺荃灣愉景新城地下有一間法國麵包店餐廳叫「Délifrance」，呢間法國麵包店都算出名，見未食野就坐低食返個下午茶，接近兩點都算幾多人，買外賣居多，堂食都有唔少，我好鍾意佢哋枱同櫈，全部都可以移走，唔係固定哂，勁方便輪椅人士！1.紅酒燴牛尾意粉+熱檸檬水$89（9/10）叫呢碟紅酒燴牛尾意粉之前已經叫咗多汁，因為睇餐牌時見到比較乾，叫多汁應該會好味好多，當遞上枱時已經勁驚喜，牛尾嘅汁勁多，牛尾都唔算少，大約都有8舊，唔係全部都係骨，牛尾肉有一部分比較硬，其他都比較軟淋好食，意粉撈埋汁一齊食勁掛汁，跟餐飲品叫咗熱檸檬水，檸檬都有3片，飲落唔會好酸！2.焗意式蜆肉意粉+熱即磨咖啡$82（9.5/10）呢個焗意式蜆肉意粉外面係用錫紙兜上，意粉面上勁多芝士番茄汁，撥開芝士就見到好多蜆肉同切開嘅蘑菇，意粉食落唔會太酸，加埋勁多蜆肉同蘑菇，配料都算多，跟餐飲品叫咗熱即磨咖啡，咖啡唔算香濃，淡咗少少，其他超掂！3.黑椒蒜香雞槌（2件）$18（9/10）呢兩隻黑椒蒜香雞槌係套餐加$18就可以食到，雞槌幾入味，外面仲有少少脆，咬落好juicy，黑椒其實可以落多少少，我估會
今次要介紹喺荃灣愉景新城地下有一間法國麵包店餐廳叫「Délifrance」，呢間法國麵包店都算出名，見未食野就坐低食返個下午茶，接近兩點都算幾多人，買外賣居多，堂食都有唔少，我好鍾意佢哋枱同櫈，全部都可以移走，唔係固定哂，勁方便輪椅人士！
1.紅酒燴牛尾意粉+熱檸檬水$89（9/10）
叫呢碟紅酒燴牛尾意粉之前已經叫咗多汁，因為睇餐牌時見到比較乾，叫多汁應該會好味好多，當遞上枱時已經勁驚喜，牛尾嘅汁勁多，牛尾都唔算少，大約都有8舊，唔係全部都係骨，牛尾肉有一部分比較硬，其他都比較軟淋好食，意粉撈埋汁一齊食勁掛汁，跟餐飲品叫咗熱檸檬水，檸檬都有3片，飲落唔會好酸！
2.焗意式蜆肉意粉+熱即磨咖啡$82（9.5/10）
呢個焗意式蜆肉意粉外面係用錫紙兜上，意粉面上勁多芝士番茄汁，撥開芝士就見到好多蜆肉同切開嘅蘑菇，意粉食落唔會太酸，加埋勁多蜆肉同蘑菇，配料都算多，跟餐飲品叫咗熱即磨咖啡，咖啡唔算香濃，淡咗少少，其他超掂！
3.黑椒蒜香雞槌（2件）$18（9/10）
呢兩隻黑椒蒜香雞槌係套餐加$18就可以食到，雞槌幾入味，外面仲有少少脆，咬落好juicy，黑椒其實可以落多少少，我估會更好味！
4.雜菜羅宋湯$13（9/10）
呢碗雜菜羅宋湯同麵包係套餐加$13就可以食到，羅宋湯入面好足料，比較多雜菜，不過我個人覺得羅宋湯個味道酸咗少少，淡返少少比較好，麵包比較鬆軟，好味！
2人總共價錢$202
個人口味總評分：9.125/10
@delifrancehk @dparkhk
地址：荃灣青山公路荃灣段398號愉景新城1樓1051號舖
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#Délifrance #愉景新城 #荃灣 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
