Chill 輕食300kcal

Open Now

Now Closed

新式餐飲模式，盡在chill輕食最近公司附近留意到一間有趣studio~ 除左有唔同類型既fitness class，佢提供營養protein meal，lunch time專登上黎試下!呢度建議一種健康餐飲模式，高纖高蛋白低碳水，十分推薦lunch set B!每一個份都set好有一樽protein shake，一份主食，加一樽排毒爆脂茶~Protein shake有八款口味，選擇好多，而且樽底都會random唔同配料，有仙草，奇亞籽等等。如果要指定某一款都可以同店員講! 揀左咖啡味，咖啡味唔錯而且唔會太甜，有奇亞籽增添不少口感。又樽高纖高蛋白shake可以話幫我打左底，有左飽肚感，唔會想食太多固體食物!主食有牛有雞有叉燒，慢煮雞胸更吸引我~但係怕自己大食唔夠飽，都係揀左紅米飯!慢煮雞胸非常juicy而且嫩，除左加左黑椒同芝麻仲好似有honey mustard既醬汁，幾惹味~紅米飯偏軟身，好易入口。除左飯，仲有西蘭花同雞蛋栗米沙律，輕盈高纖又夠飽，份量上不多不少岩岩好，設計得唔錯!排毒爆脂茶燃脂美茶加埋蘆薈汁，入口唔太濃，味道甘甘甜甜幾好飲，仲有茶香，清新解膩!