包販子 (Closed)

食左個大大份早餐，又有排先夠鐘食晚飯，最啱就係搵啲輕食店。我今次試下呢度包販子既鬼佬西多，呢份西多真係好有創意，用生果黎配西多士，啲cream仲好滑好好味。另外仲叫左份豬手治，豬手好林，勁入味，唔係配麵包，配白飯既話，我諗我可以送成碗白飯。嘢飲方面，我叫左Green tea latta，好重綠茶味，無乜咖啡味，另外試左Iced mocha，朱古力同咖啡配得唔錯。呢度環景舒適，員工服務有禮。行花墟行到攰攰地，想食少少嘢、飲杯嘢，hea下既話，呢度係唔錯既選擇。