Video
Read full review
2022-09-03
154 views
天氣熱辣辣都變左出街食野又多一個條件，唔好食咁熱嘅野，韓燒泰國野炸野熱氣野通通都唔想食，所以最岩就係食日本野，但岩岩星期二又已經食完放題，食左好多拖羅、刺身D生冷野，咁去食返間居酒屋就ok la。今次食依間係喺佐敦，地鐵站出口行2分鐘，真係轉個彎就到，但又唔太多人，清清靜靜，非常適合作為小毒毒嘅我。menu唔算太多選擇，簡簡單單叫左個蟹肉蟹膏炒飯、焗蠔就一餐蟹肉蟹膏炒飯 : 蟹膏就唔多食得出喇，但蟹肉都真係算足料，而且個飯底炒得幾好，送上枱時真係出晒煙，熱辣辣，飯粒分明得黎帶有少少日本米嘅黏性，蟹肉亦有好多一絲絲，係食得出但又唔會話黐埋一齊一梳梳咁，應該係炒之前準備工夫已經將蟹肉拆得夠散焗蠔 : 超乎想像，可能係食得放題/自助餐D劣質焗蠔太多，本身都唔帶有D咩期望，點知依度焗出黎效果唔錯喎，首先熱辣辣新鮮焗起就係基本啦，同時時間又掌握得唔錯，蠔肉嫰滑爽口有蠔味，蠔汁又保持到，再加上少少芝士喺表面點綴，可能係用火槍再燒一燒個面(?)，成隻蠔一啖擺入口，正
今次食依間係喺佐敦，地鐵站出口行2分鐘，真係轉個彎就到，但又唔太多人，清清靜靜，非常適合作為小毒毒嘅我。
menu唔算太多選擇，簡簡單單叫左個蟹肉蟹膏炒飯、焗蠔就一餐
蟹肉蟹膏炒飯 : 蟹膏就唔多食得出喇，但蟹肉都真係算足料，而且個飯底炒得幾好，送上枱時真係出晒煙，熱辣辣，飯粒分明得黎帶有少少日本米嘅黏性，蟹肉亦有好多一絲絲，係食得出但又唔會話黐埋一齊一梳梳咁，應該係炒之前準備工夫已經將蟹肉拆得夠散
焗蠔 : 超乎想像，可能係食得放題/自助餐D劣質焗蠔太多，本身都唔帶有D咩期望，點知依度焗出黎效果唔錯喎，首先熱辣辣新鮮焗起就係基本啦，同時時間又掌握得唔錯，蠔肉嫰滑爽口有蠔味，蠔汁又保持到，再加上少少芝士喺表面點綴，可能係用火槍再燒一燒個面(?)，成隻蠔一啖擺入口，正
Post
