Pepper Lunch (Closed)

其實我都幾鍾意去Pepper Lunch食晚餐，鍾意熱辣辣鐵板上夠晒保溫。今日兩口子去左將軍澳都幾多人等位，不過好快已經有位了，我地叫左個蒜香牛肉意大利麵加帶子，望住d生牛肉慢慢熟，鍾意幾成熟即刻叉黎食，蒜香意粉軟硬適中，帶子唔韌又香又好食，正！芝士牛肉意大利飯追加雞蛋同勁多芝士，撈埋黎食超級出色，整太陽蛋再啜個蛋黃最好食。撈好晒之後勁似焗飯好惹味喔！yummy！加$15就可以配汽水百事可樂+馬鈴薯蓉，又加$15配多杯汽水同味噌湯。薯蓉好正個汁好香！味噌湯好飲唔太濃，配料都好食！