越南米紙 (Closed)

睇完戲之後肚餓,行行下俾我同朋友發現到原來淘大附近新開左間越南餐廳,諗都唔使諗就入左去試下。 越式生牛肉湯河有兩個size可以揀,我地就揀左大嘅。生牛肉質地嫩滑,湯底夠清河粉份量亦好多。越式綜合越南麵包係法菜同越南菜嘅結合,脆卜卜嘅法包裏面包住酸蘿蔔,青瓜,扎肉同豬肉,口感清新。越式三寶飯有齊香茅豬扒,香茅雞翼同扎肉再配上越式油飯,好惹味。順化香茅豬扒撈檬嘅香茅豬扒同檬粉份量 十足食極都仲有,配上越式酸辣汁,好清爽,不過檬粉有點兒太碎。珍多冰名副其實真係冰同一般飲開嘅吾同 ,吾係用冰粒而係真係用椰奶榨成碎冰,再配上珍多冰同紅豆,口感十足,值得一讚。