香港郵意 (Closed)

放假無野做，緊係同媽咪去食野，享受家庭樂啦。想搵一間坐得耐啲既餐廳，可以同媽媽傾耐啲。有朋友介紹呢一間香港郵意，話可以慢慢享受食物同吹水，咁就去左呢一間啦。一入到去，見到一個好大既沖咖啡位置，原來佢地係手調咖啡，出色。成間餐廳面積好大，而且係全自助，即係自己搵位，自己攞餐，用餐後自己清理枱面，非常好既一個概念。坐底左之後，我地就睇餐牌啦，以西餐為主。媽媽選擇左食 真龍蝦番茄醬意粉，而我選擇了芝士巴拿馬火腿薄餅。但留意返，由於係自助形式，所以要去收銀位買食物，再留意叫號取食物。個意粉堅好食，好香蕃茄味。上面好多薄薄既芝士碎，淋淋的，好好味。好多好多蕃茄汁，甜甜酸酸，非常開胃👍🏻👍🏻個薄餅都好正，佢係薄批底，但竟然一啲都吾硬👍🏻👍🏻 有4件，當我攞起第一件，啲芝士多到起晒絲，好吸引。上面好多火腿同蕃茄醬，岩晒我胃口👍🏻非常好味。吾記得介紹埋，我地重叫左野飲，媽媽要左茉莉玫瑰花茶，我要左朱古力白咖啡。花茶好香好好飲但我想介紹係佢地既咖啡。佢地分有黑白咖啡，再分有兩種咖啡豆選擇。我選擇左白咖啡既朱古力味，而咖啡豆我選擇了house blend，店員話另一種咖啡豆味道較濃。最後食飽晒，可以坐向到