Simplylife Bakery Cafe

Open Now

Now Closed

一向都覺得喺九龍塘搵食好難搵位。好彩預早用apps拎定飛。一去到就有位入。被帶到2人sofa位。空間感十分好。枱與枱之間空位十足。跟餐南瓜湯。正常水準。味道微甜。仲飲得出絲絲南瓜味。只需加$10。性價比不錯。既然今日餐湯唔係磨菇湯。超鐘意菌類嘅我就揀左松露忌廉雜菌糙米飯。入口香濃松露味。仲有好多菇菌。可惜略嫌調味重手。味道偏咸。不過真係要一讚啲糙米。為個飯增添左不少脆脆嘅口感。跟餐叫左杯西柚果茶。餐廳經典餐飲。另外可以加$12加多杯咖啡。最後叫左杯cappuccino。為自己加加油。奶泡厚度充足。奶味亦濃。略嫌未夠滑。見到好多蛋糕同麵包。真係好想加多個飯後甜品。不過都係唔好眼闊肚窄。留番下次。