Cafe Charm's (Closed)

周末輕輕鬆鬆，難得搵到間似模似樣既café就不客氣入座，打算坐返個零兩個鐘輕鬆下。入到去幾乎滿座，小姐未食lunch餓到暈，即刻叫個手工和牛漢堡先。落完單慢慢再睇下飲品、小食，拍板要白酒煮蜆同京都焙茶鮮奶。煮蜆一拎埋黎已經聞到好香白酒味！加入菇類一齊煮，而蜆就啖啖肉，呢個前菜唔錯。我既漢堡到喇！麵包烘得香脆，又真係和牛黎架喎，手打漢堡牛味突出又juicy，雖然小姐一口咬唔晒，但仍然比佢滿分呀！配搭既薯條都唔馬虎，熱辣辣！本身仲想食埋甜品，見隔離枱窩夫香噴噴呀，不過真係太full喇，比個藉口自己返黎再食 XD但杯野飲就怪怪地，味道ok既，但成口粉，好似未沖暈咁。