Pound & Roll (Closed)

星期五，兩位，冇book枱嘅情況下有位，唔緊要，我同屋企人快食，因為我哋想去行街，咁我哋就入咗呢一間餐廳醫肚😄😗😘- 咁我同朋友兩個人唔係話太肚餓，所以我哋叫咗一個頭盤，一個主菜同埋一份甜品，share - 頭盤方便我哋叫咗雞翼非常之好味，佢一嚟到嘅時候，已經香噴噴，同埋熱辣辣，小心千祈唔好俾佢辣親咀，但係真心超級香，好鍾意食，價錢$68/6隻，我覺得唔錯，可以接受- 主菜我哋叫咗大啡菇黑松露意大利飯味道方面，黑松露嘅味道偏弱，大啡菇肉汁多，整體來講，都唔錯!- 甜品我哋叫咗雜果窩夫呢一個食物我哋都等咗成30分鐘🤣😂雖然係有少少來，但係嚟到嘅時候，我哋一食落去都覺得值得等嘅，因為唔太甜，而且佢哋嘅雜果係用新鮮水果，有士多啤梨，桃同埋奇異果，味道係夾嘅，同埋佢本身個窩夫唔係太甜，咁伴碟方面會有蜜糖，成個味道係好夾嘅，呢個推介 價錢方面好似係$118。-咁我哋兩個人埋單總共就係$350左右想搵個地方傾吓計食個飯，我覺得呢間餐廳都唔錯，我同朋友第一次去，雖然地方係有少少窄！但係都算坐得舒服。