西貢街頭越南牛肉粉

Open Now

Now Closed

西貢街頭放工想同朋友黎個輕食就返歸抖抖，路經灣仔克街呢間越南嘢，睇落坐得幾舒服咁。兩個女仔夜晚唔想食澱粉質，叫咗個小食拼盤同燒牛柳拼柚子沙律。🥗小食拼盤有春卷、扎肉、豬肉串、越南米卷。最出色係豬肉串，豬肉肥瘦均勻，味道惹味。炸春卷外皮薄脆，餡料多，有肉碎、粉絲、木耳同紅蘿蔔絲。米卷裏面加咗九層塔，比平時嘅米卷冇咁單調。🥩估唔到燒牛柳有啲驚喜，牛肉味濃，裏面仲係粉嫩顏色，淋上洋蔥汁都好夾。柚子沙律加咗好多炸蒜片、青瓜同洋蔥，仲有特製烹調嘅醬汁，幾特別。