The Parking Coffee & Food (Closed)

我食佐芋泥肉鬆蛋吐司，附送薯條及沙律，相當抵食👀吐司烘得好脆，內芯又軟，好有水準，餡料既肉鬆好蟹，絕無手軟，流心蛋都充滿蛋香，切開芋泥滲晒出黎，咸咸甜甜，香甜美味，另外薯條夠新鮮夠熱，沙律菜都好新鮮，好味道👏🏻老公食佐九層塔青醬雞肉意粉，雞肉有好多舊，件件大舊，雞肉先炒香再同意粉一齊炒，雞肉肉質鮮嫩，唔會鞋颯颯，意粉充滿九層塔碎同海苔碎，加上青醬，更加濃香👍🏻飲品我就飲佐Mojito咖啡，好特別，係有酒味既咖啡，mojito先調好，酒味咖會好濃，青檸味多啲，酸酸地加上薄荷香，再加上咖啡，好清新，少少苦，味道好有層次，真係特別🤞🏻老公就飲百香青檸綠茶，百香果新鮮即榨，飲到有百香果果肉，青檸既酸同綠茶既微苦，酸酸地又幾開胃，凍冰冰咁飲好清爽既感覺🤟🏻