Video
Read full review
2019-06-18
113 views
今晚約左忙碌嘅好友見面，為左方便大家，揀左嚟黃大仙中心。好友話有一間餐廳，星期六日經常排晒長龍，一路都好想試，於是趁住今晚平日去碰碰運氣，估唔到咁好彩，等左一陣就有位。餐廳門面及室內空間光猛舒適，我哋被安排餐廳較入嘅位置，自成一角，傾計一流，抬頭望一望，層架放左一些漫畫及公仔，令到餐廳氣氛很輕鬆，而燈飾亦很有時代感。餐牌上嘅食物選擇非常多，如魚生飯都有至少八款，壽司、卷物都有幾十款，仲有好多款鍋物、沙律、甜品等等可以選擇。而我哋最後就點左安格斯牛扒他他沙律（黑醋）、蝦三味、廣島蠔寄世鍋、珍寶赤蝦海鮮丼及宇治抹茶芭菲。安格斯牛扒他他沙律（黑醋）安格斯牛扒好淋好香，配埋黑醋汁他他沙律，好清新。蝦三味（甜蝦、生虎蝦、珍寶赤蝦）友人夾左甜蝦🦐同生虎蝦俾我，甜蝦帶有點黏黏嘅口感和膠質，蝦身帶有濃厚嘅甜味；生虎蝦口感厚實，肉質有彈性。廣島蠔寄世鍋鍋物材料豐富，有蝦、蠔、蜆肉、三文魚、金菇、豆腐、娃娃菜等，海鮮鮮甜，最喜愛菜同菇吸收哂海鮮嘅清甜味道，食得好滿足。珍寶赤蝦海鮮丼海鮮丼好足料，海鮮有赤蝦、帶子、三文魚、仲有勁多蟹籽，將蟹籽同飯撈勻之後，食落每一啖都充滿蟹籽嘅鮮甜味道。宇治抹茶芭菲友人知我
餐廳門面及室內空間光猛舒適，我哋被安排餐廳較入嘅位置，自成一角，傾計一流，抬頭望一望，層架放左一些漫畫及公仔，令到餐廳氣氛很輕鬆，而燈飾亦很有時代感。
餐牌上嘅食物選擇非常多，如魚生飯都有至少八款，壽司、卷物都有幾十款，仲有好多款鍋物、沙律、甜品等等可以選擇。
而我哋最後就點左安格斯牛扒他他沙律（黑醋）、蝦三味、廣島蠔寄世鍋、珍寶赤蝦海鮮丼及宇治抹茶芭菲。
安格斯牛扒他他沙律（黑醋）
安格斯牛扒好淋好香，配埋黑醋汁他他沙律，好清新。
蝦三味（甜蝦、生虎蝦、珍寶赤蝦）
友人夾左甜蝦🦐同生虎蝦俾我，甜蝦帶有點黏黏嘅口感和膠質，蝦身帶有濃厚嘅甜味；生虎蝦口感厚實，肉質有彈性。
廣島蠔寄世鍋
鍋物材料豐富，有蝦、蠔、蜆肉、三文魚、金菇、豆腐、娃娃菜等，海鮮鮮甜，最喜愛菜同菇吸收哂海鮮嘅清甜味道，食得好滿足。
珍寶赤蝦海鮮丼
海鮮丼好足料，海鮮有赤蝦、帶子、三文魚、仲有勁多蟹籽，將蟹籽同飯撈勻之後，食落每一啖都充滿蟹籽嘅鮮甜味道。
宇治抹茶芭菲
友人知我一向都好鍾意食抹茶甜品，雖然已經食得飽飽的，但都忍不住點返個甜品滿足第二個胃，雪糕嘅綠茶味好香濃，綠茶蕨餅、白玉同糯米糍都好煙韌，配埋紅豆脆脆片同兒時至愛嘅朱古力脆條，真係好滿足！
Post
