Garden Bar & Restaurant

Open Now

Now Closed

同朋友閒逛完，想飲杯酒吹下水之餘順埋食埋嗰晚餐。 見到呢間garden bar & restaurant 嗰menu 幾吸引，有我想食既烤雞，同埋有cocktail，於是二話不說就入去搵位坐。間bar環境幾靚，燈光又有情調。 由於係聖誕節期間，周圍都放了聖誕樹同聖誕裝飾。 我同朋友最後選揀坐bar位，可以望到街景，而且座位加設有充電位同埋充電線，十分細心同方便。首先食個炸物拼盤（有薯條、炸池魚、炸魷魚鬚、有個沙律），我最鍾意點個芥末醬食薯條同埋魷魚鬚。 食完拼盤，再食埋呢款薄切八爪魚拌沙律。 調味方面有少少酸辣既醬汁，食落幾開胃。 我同朋友各自點了一杯cocktail，我要左一杯園吻，而朋友叫左杯舞聚。 園吻就咁聽個名唔知佢係咩，不過睇番menu都大概知道用左邊幾種酒調製。 另外杯酒入面仲有少少玫瑰花花瓣。 每飲一啖時候都感受到陣陣花香。主菜有蝴蝶法式烤春雞、法式油封鴨腿。 隻烤雞皮幾香脆，而且雞肉多汁。 試埋嗰油鴨，加少少紅桑子汁一齊食，感覺唔會太油而且味道好夾。 整體黎講嘢食都令人滿意，最鍾意個環境，令人感覺放鬆，可以盡情飲酒同食嘢之餘，亦可以同朋友吹下水。