四川担担麵 (Closed)

每一次去食四川野心情都有D沉重。 好鐘意佢地既香料味，最怕係第一啖已經辣到食乜都無味。今日同朋友去試呢間由外國人開既四川擔擔麵，聽聞review唔錯入去坐低有D似快餐店形式，order左要即刻結賬先。店面唔大，周不時會有人企門口等位(下午茶時間)。以小店黎講，菜牌選擇唔少，麵類都有十幾款，仲有涼菜同餃子。由於人手較少，我地既order都等左一陣先黎。成都擔擔麵係撈麵，有花生、芝麻醬、肉碎等。撈勻後個醬汁好濃，好香芝麻花生味，偏甜，好開胃。麵條彈牙，感覺好dense，煮得岩岩好。食食下先開始覺得辣。重慶擔擔麵係湯麵，但其實湯份量少，剛剛浸到麵條。D料同成都擔擔麵差唔多，只係無花生同芝麻醬，湯上面有一片紅油。呢個味道比較清D，無咁辣。涼拌海帶海帶切得幼身，味道比兩個麵辣，辣油落得比較多，但係好香口水雞俾佢紅紅既辣油嚇親，但係其實唔辣。醬汁味道唔錯，但D雞冇乜味。用新鮮雞應該會幾好食見到隔離枱點左餃子，賣相幾吸引，下次會去試下。