Video
Read full review
2015-06-11
2739 views
二公子又再出遊…今次既目的地...居然係預先計劃好既馬場...實行玩玩新意思...今次二公子好叻...一手包辦網上book位...因為馬會規定係無得walk in既...而預定左係即時過數...不得退款...難得二公子咁有決心...又點只齋入馬場睇跑馬咁簡單...實情係食buffet？？估唔到馬會既廂座...唔駛係VIP都可以入得黎...現場氣氛有點似置身係外國呢...係網上book位...其實一早已經可以劃定位...兩個人只可劃二人枱...三個人只可劃三人枱...如此類推...係無得搭枱既...所以位置編排都有少少限制...單靠二公子看圖劃位...相信有d難度呢吧...今次我呢個丫鬟總算有d貢獻...結果係如我所料...選左寬大舒適既轉彎梳化位...無遮無檔...自成一角...只對著投注櫃位而已...行多兩步就可以出看台睇馬仔呢...未開場…就食左野先啦…呢度話就話係buffet…但其實係有main course既...只得4款選擇…留意其中兩款係要加$架…buffet唔包飲品...要加$先可任飲…不過buffet去到3點…任飲就可以去到6點…飲品價目有兩種…分別在於飲唔飲紅白餐酒…
今次二公子好叻...一手包辦網上book位...因為馬會規定係無得walk in既...而預定左係即時過數...不得退款...
難得二公子咁有決心...又點只齋入馬場睇跑馬咁簡單...實情係食buffet？？
估唔到馬會既廂座...唔駛係VIP都可以入得黎...現場氣氛有點似置身係外國呢...
係網上book位...其實一早已經可以劃定位...兩個人只可劃二人枱...三個人只可劃三人枱...如此類推...係無得搭枱既...所以位置編排都有少少限制...單靠二公子看圖劃位...相信有d難度呢吧...今次我呢個丫鬟總算有d貢獻...
結果係如我所料...選左寬大舒適既轉彎梳化位...無遮無檔...自成一角...只對著投注櫃位而已...行多兩步就可以出看台睇馬仔呢...
未開場…就食左野先啦…呢度話就話係buffet…但其實係有main course既...只得4款選擇…留意其中兩款係要加$架…
buffet唔包飲品...要加$先可任飲…不過buffet去到3點…任飲就可以去到6點…飲品價目有兩種…分別在於飲唔飲紅白餐酒…我家二公子醉翁之意不在酒…所以…………還是選juice吧……>,<.......
至於buffet野食…冷盤有cheese，salad，seafood，sashimi等…
salad有葡萄，西蘭花，芝士，杏仁沙律一，沙葛沙律伴西班牙青辣椒仔，粟米仔青豆意大利幼麵沙律，扒蜜糖茴香及瑞士芝士配黑醋汁，脆鯇魚配香草汁，藜麥沙律配蕃茄粒，蘋果菠蘿沙律...salad 汁有藍芝士， 蕃茄乾油醋汁， 芥末咖啡， 香檳油醋汁...
西生菜，火箭菜，火腿...
seafood有蝦，螺...
sashimi有甜蝦，三文魚，貝...
cheese有caprice, manchego, emmental, brie cheese...
sashimi都幾鮮味...沙律又多款...醬汁特別...但有d食唔慣...食材似乎係迎合外國人口味多d...二公子少有鍾意食caprice+果醬...我就比較鍾意夾麵包或餅乾黎減低芝士味道...雖然唔係好臭既芝士黎…但唔係人人可以接受…而熟食呢…就唔同一般酒店食既粥粉麵飯哪…
奄列~配料有芝士粒,火腿,芫茜,洋蔥,薯仔粒,白菌片,蕃茄...可自由選擇...
香煎迷你薄餅~由酸忌廉,香蔥,三文魚子組成...
奄列好多料...漲卜卜...味道ok...薄餅造型細細塊...煙煙韌韌油油地酸酸地奶奶地...口感比較豐富特別...
至於main course都好大碟...法式烤雞胸伴大硯配牛油汁...吞拿魚排漢堡配椰菜沙律及薯條...牛油味一般…估唔到同硯味道都夾…廚師特意將魚排煮到五成熟…話係最好味既…但我就覺得口感有d古怪…魚唔似魚咁…
食到呢個時候…都應該要食埋甜品呢…唔係肚仔點載得落咁多野食…甜品有朱古力威士忌餅,朱古力花生泡芙,甘荀香橙旦糕,熱情果雲呢拿奶凍,雜錦朱古力粒,焦糖青檸香蕉條,藍莓杏仁撻,車厘子酒芭菲及朱古力氣泡...仲有haagen-dazs雪糕糕同水果…
甜品款式雖然好多...又好精美...但可能放耐左...已經唔凍...仲有少少溶既感覺...雖甜度十足...但口感大減...不過講到尾...二公子志不在此...而係食飽飽之後既餘興節目...入黎馬場…係咪一定要賭馬呢？？其實呢度四週圍都有電視高高掛…仲可以借部ipad落注添（留意借用ipad係要比按金$4000既）…睇得輕鬆又唔駛走來走去…不過二公子又點只咁少餘興節目…居然黎呢度上堂…參加左呢個馬仔課程>>（1）睇片介紹賽馬資訊，（2）賽物介紹馬術用具，（3）實地視察馬仔狀態…閒閒地都用左成個鐘頭…難道二公子真係咁好學！？！？
謎底終於揭曉>>攪咁多野就係為左呢隻限量紀念馬仔…而t-shirt係答中問題先有既…
玩完一大輪…重有時間返黎食返d水果雪糕…真係有得食有得玩有得拎…唔少大朋友都為此而來呢！！
Post
