Video
Read full review
2021-03-19
108 views
平日都知道觀塘駱駝漆啲工廈大把野行，但估唔到連串燒店都有！今次我地黎到觀塘既歡喜燒，呢間店舖主打自動旋轉串燒，衛生又乾淨。一入門口，就已經見到雪糕櫃同飲品櫃，因為任飲任食，所以一黎就可以拎飲品，非常方便。之後，我地去左熟食櫃拎辣炒蜆食，仲有大大粒咖喱魚蛋。然後我地當然要拎主菜既串燒串啦，店舖好貼心咁貼哂標籤比客人識別唔同串燒，每串串燒已經穿好晒。餐廳主打無火無煙燒烤，所以食完都唔會全身有味道。一黎到，店員好快講解食物點為之熟，同介紹唔同醬料，仲送左一大碟茄子俾我地食住先。由於疫情關係，所有炸物都即叫即整，所以送到上枱都熱辣辣，而且好有效率。一開始，我地叫左幾款炸物同軟殼蟹迷你漢堡。先講軟殼蟹迷你漢堡，漢堡用左綠茶麵包，麵包搽上牛油，又脆又特別，加埋軟殼蟹一流！至於其他炸物方面，我覺得蝦春卷都幾好味，因為係有原條蝦，香脆又唔油膩。佢地串燒款式非常多，豬、牛、羊、雞、內臟同丸類都一應俱全，連棉花糖同蒜蓉包都有嫁，非常特別，而且燒完仲可以點佢地既孜然粉食，有辣有唔辣，仲有自家製辣粉添！肉類方面，根據店員推介，我地燒烤既時候搽左秘製沙嗲醬，所以食落非常惹味，個人推薦佢地既牛舌，軟熟又嫩口。至於
一入門口，就已經見到雪糕櫃同飲品櫃，因為任飲任食，所以一黎就可以拎飲品，非常方便。之後，我地去左熟食櫃拎辣炒蜆食，仲有大大粒咖喱魚蛋。然後我地當然要拎主菜既串燒串啦，店舖好貼心咁貼哂標籤比客人識別唔同串燒，每串串燒已經穿好晒。
餐廳主打無火無煙燒烤，所以食完都唔會全身有味道。一黎到，店員好快講解食物點為之熟，同介紹唔同醬料，仲送左一大碟茄子俾我地食住先。由於疫情關係，所有炸物都即叫即整，所以送到上枱都熱辣辣，而且好有效率。
一開始，我地叫左幾款炸物同軟殼蟹迷你漢堡。先講軟殼蟹迷你漢堡，漢堡用左綠茶麵包，麵包搽上牛油，又脆又特別，加埋軟殼蟹一流！至於其他炸物方面，我覺得蝦春卷都幾好味，因為係有原條蝦，香脆又唔油膩。
佢地串燒款式非常多，豬、牛、羊、雞、內臟同丸類都一應俱全，連棉花糖同蒜蓉包都有嫁，非常特別，而且燒完仲可以點佢地既孜然粉食，有辣有唔辣，仲有自家製辣粉添！
肉類方面，根據店員推介，我地燒烤既時候搽左秘製沙嗲醬，所以食落非常惹味，個人推薦佢地既牛舌，軟熟又嫩口。至於蔬菜方面，佢地有不同菇類同萵筍，燒烤時搽埋甜甜地既鰻魚汁，又香又唔會有罪惡感。
去到最後，我地除左食雪糕，仲叫左餐廳推薦既台式甜品，我今次簡左芋泥配番薯圓、芋頭圓、紫薯圓同益力多爆珠，芋泥唔算太甜，加埋其他配料都幾好味，其他餐廳都唔係好常見。
Post
